完整藏文原文 · 德格版页 当前仅加载第 6 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་གིས་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་བཙལ་བར་མི་བྱའོ།། །།འདུལ་བ་
D3.006.0162b01.01རྣམ་པར་འབྱེད་པ། བམ་པོ་སུམ་བཅུ་རྩ་བཞི་པ། བཅོམ་ལྡན་འདས་ཀྱིས་དགེ་སློང་གིས་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་བཙལ་བར་མི་བྱའོ་ཞེས་བཀའ་སྩལ་ནས་བསོད་སྙོམས་པ་ཞིག་གི་ལྷུང་བཟེད་ཅུང་ཞིག་རྡོལ་ནས་དེས་དེ་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་
D3.006.0162b02.01པ་དང་དེས་ཕྱེ་དག་རྙེད་ནས་དེས་དེ་དག་ལྷུང་བཟེད་ཀྱི་སྣོད་ཀྱིས་མནོས་སོ། །འབྲས་ཅན་གཤེར་བ་རྙེད་ནས་དེས་དེ་དག་ལྷུང་བཟེད་ཀྱིས་མནོས་པ་དང་དེ་ནས་ཟགས་པས་ཕྱེ་དག་གཤེར་བར་གྱུར་ཏེ་དེ་དག་གིས་ལྷུང་བཟེད་ཀྱི་སྣོད་མ་རུང་བར་གྱུར་ནས་དེ་སྦྲང་བུ་དག་གིས་ཡོངས་སུ་བསྐོར་བར་གྱུར་པ་དང་།
D3.006.0162b03.01དེ་ལ་ཁྱེའུ་དང་། བུ་མོ་དག་གིས་སྨྲས་པ། འཕགས་པས་ནོར་ཅན་དང་། ཚོང་དཔོན་དང་། དེད་དཔོན་དག་བཞིན་དུ་འཁོར་མང་པོར་འགྱུར་བའི་ལས་བྱས་པས་སྦྲང་བུ་དག་གིས་ཡོངས་སུ་བསྐོར་ཅིང་བཞུད་དོ། །ཁྱིམ་བདག་མགོན་མེད་ཟས་སྦྱིན་གྱིས་དེ་མཐོང་ནས་སྨྲས་པ། བྱིས་པ་
D3.006.0162b04.01དག་ཅིའི་ཕྱིར་འཕགས་པ་ལ་མཐོ་འཚམ་པར་བྱེད། ཁྱིམ་བདག་འཕགས་པ་ལ་ཐོ་བཙམ་དུ་ཅི་མཆིས། འཕགས་པས་ནོར་ཅན་དང་། ཚོང་དཔོན་དང་། དེད་དཔོན་དག་བཞིན་དུ་འཁོར་མང་པོར་འགྱུར་བའི་ལས་བགྱིས་པས་སྦྲང་བུ་དག་གིས་ཡོངས་སུ་བསྐོར་ཅིང་བཞུད་དོ། །ཁྱིམ་
D3.006.0162b05.01བདག་མགོན་མེད་ཟས་སྦྱིན་གྱིས་དགེ་སློང་དེ་ལ་སྨྲས་པ། འཕགས་པ་བཅོམ་ལྡན་འདས་ཀྱིས་བསྟན་པ་ཀུན་དུ་མཛེས་པ་ལ་ཁྱོད་ཅི་ཅལ་ཅོལ་བྱེད། ཁྱིམ་བདག་འདི་ལ་ཅལ་ཅོལ་དུ་གྱུར་པ་ཅི་ཡོད། ཁྱོད་ཀྱིས་ཁོ་བོ་རོལ་མོ་མཁན་གྱི་ཁྱིམ་དང་། འཇུད་མཐུན་མའི་ཁྱིམ་དང་། ཆང་པའི་ཁྱིམ་དང་།
D3.006.0162b06.01རྒྱལ་པོའི་ཕོ་བྲང་དང་། གདོལ་པའི་ཁྱིམ་དུ་ཞུགས་པར་མཐོང་ངམ། འཕགས་པ་འོ་ན་ཅིའི་ཕྱིར་ཁྱོད་བྱིས་པ་དག་གིས་བསྐོར་ཏེ་འཕྱ་བར་བྱེད། ཁྱིམ་བདག་ཁོ་བོའི་ལྷུང་བཟེད་འདི་ཟག་གོ། །འོ་ན་ཅིའི་ཕྱིར་ལྷུང་བཟེད་གཞན་མི་ཚོལ། བཅོམ་ལྡན་འདས་ཀྱིས་དགེ་སློང་གིས་ལྷུང་བཟེད་ཡོད་
D3.006.0162b07.01