完整藏文原文 · 德格版页 当前仅加载第 6 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
སམ། བཙུན་པ་འཆར་ཀ་དེ་བཞིན་ཏེ། གནོད་པ་ཆུང་བ་དང་། ཉམ་ང་བ་ཆུང་བ་དང་། བདེ་བ་དང་། ནད་མེད་པ་དང་། སྟོབས་དང་ལྡན་པར་མཉན་ཡོད་ན་གནས་སོ། །ཚེ་དང་ལྡན་པ་ཇི་ལྟ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་དང་། བླ་མཁྱེན་དྲང་
D3.006.0082a01.01སྲོང་བྱིན་དང་། རྙིང་པ་དང་། ཁྱིམ་བདག་གི་ཆུང་མ་{རི་དགས་,རི་དྭགས་}འཛིན་གྱི་མ་ས་ག་དང་། ལེགས་སྐྱེས་དག་ཤེས་སམ། བཙུན་པ་འཆར་ཀ་དེ་བཞིན་ཏེ་ཤེས་སོ། །ཚེ་དང་ལྡན་པ་འོ་ན་ཁྱོད་ཀྱིས་ཁྱིམ་བདག་གི་ཆུང་མ་སྦེད་མ་ཤེས་སམ། བཙུན་པ་འཆར་ཀ་ཤེས་ཏེ་དེ་ནི་
D3.006.0082a02.01བཙུན་པ་འཆར་ཀའི་སྔོན་གྱི་ཆུང་མ་ཡིན་ནོ། །རྒན་ཞུགས་གཏམ་ཤེས་སོ། །དེ་ད་དུང་ཡང་ཁྱོད་ཀྱི་ཁྱིམ་བདག་གི་ཆུང་མ་ཡིན་སྙམ་མམ། དེ་ནི་རབ་ཏུ་བྱུང་ངོ་། །སུས་རབ་ཏུ་ཕྱུང་། སྐྱེ་དགུའི་བདག་མོ་ཆེན་མོ་གཽ་ཏ་མཱིས་སོ། །འཆར་ཀས་བསམས་པ། ད་དུང་
D3.006.0082a03.01སྤྱོད་ཡུལ་ལྷག་མ་དང་བཅས་པ་ཡིན་ནོ་སྙམ་ནས་སྨྲས་པ། རྒན་ཞུགས་ཚུར་ཤོག །རྐང་པ་དག་ཁྲུས་ཤིག་ཅེས་དེས་དེ་ལ་རྐང་པ་བསྐུ་བ་དང་། ལག་པ་བསྐུ་བ་མང་པོ་བྱིན་ནས་དེས་དེའི་ལྷུང་བཟེད་དང་ཆོས་གོས་ཡ་གད་བཙུགས་ཏེ་ཟུང་མཐོན་པོ་ལ་བཞག་ནས་སྨྲས་པ།
D3.006.0082a04.01རྒན་ཞུགས་གཙུག་ལག་ཁང་འདི་ནི་ཟས་དང་བཅས་པ། རྙེད་པ་དང་བཅས་པ་ཡིན་གྱིས་གཙུག་ལག་ཁང་འདིར་མངོན་པར་དགའ་བར་གྱིས་ཤིག །དེས་སྨྲས་པ། བཙུན་པ་འཆར་ཀ་བདག་ནི་མཆོད་རྟེན་ལ་ཕྱག་འཚལ་དུ་འོངས་ཏེ་འགྲོ་བ་ཡིན་པས་བདག་གནས་འདི་མི་
D3.006.0082a05.01འདོད་དོ། །འཆར་ཀས་དེའི་མདུན་དུ་སྒོ་ལྕགས་དང་ལྡེ་མིག་ཀྱོག་པོ་དག་བཞག་སྟེ་འདི་སྐད་ཅེས་ཚེ་དང་ལྡན་པ་བཅོམ་ལྡན་འདས་ཀྱིས་དགེ་སློང་གིས་གཙུག་ལག་ཁང་གནས་པ་དང་བཅས་པར་བྱའི་མི་གནས་པར་མི་བྱའོ་ཞེས་བཀའ་སྩལ་ཏོ་ཞེས་སྨྲས་ནས་མིག་ལམ་དུ་མི་སྣང་
D3.006.0082a06.01བར་སོང་སྟེ། དེ་མཐར་གྱིས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ནས་འཆར་ཀས་རང་གི་གཙུག་ལག་ཁང་ཆག་ཆག་བཏབ། ལེགས་པར་བྱུགས། ལྕི་བ་སར་པའི་བྱུག་པས་བྱུགས་ཏེ་སྒོ་བཅད་ནས་ཁྲིའི་སྟེང་ན་ཕྱི་གན་དུ་ཉལ་ཞིང་སྐད་ཀྱི་གདངས་ཀྱིས་ཁ་ཏོན་བྱེད་ཅིང་འདུག་གོ། །
D3.006.0082a07.01