完整藏文原文 · 德格版页 当前仅加载第 6 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་བདག་ཅག་ལ་ཇི་ནས་ཀྱང་བདག་ཅག་འཁོར་བ་ན་འཁོར་བ་རྣམས་ལ་སླན་ཆད་ཉོན་མོངས་པ་དེ་ལྟ་བུ་ཀུན་ཏུ་འབྱུང་བར་མི་འགྱུར་བ་དེ་ལྟར་ཆོས་བསྟན་པ་མཛད་དོ། །དེ་དག་གིས་བསམས་པ། འཕགས་མ་ཆོས་བྱིན་ནི་མ་དུལ་བ་འདུལ་བར་མཛད་པ་
D3.006.0191a01.01ཡིན་ཏེ། དེས་འདི་དག་བཏུལ་བ་ལྟ་སྟེ། གང་གི་ཕྱིར་བདག་ཅག་གིས་འདི་དག་བསད་པ་དང་། བཅིང་བ་དང་། བརྡེག་པ་དང་། སྤྱོ་བས་གདུལ་བར་མ་ནུས་པ་དག་འཕགས་མ་ཆོས་བྱིན་གྱིས་ཆོས་བསྟན་པས་བཏུལ་བས་འཕགས་མ་ཆོས་བྱིན་གྱིས་བདག་
D3.006.0191a02.01ཅག་ལ་ཕན་བཏགས་ཀྱིས། བདག་ཅག་གིས་ཀྱང་རྒྱལ་པོ་བལྟས་ཏེ་འཕགས་མ་ཆོས་བྱིན་ལ་བསྙེན་བཀུར་བྱའོ་སྙམ་མོ། །ཆོས་བྱིན་གྱིས་ཀྱང་དེ་དག་གདུལ་བའི་དུས་ཤེས་ནས་གཙུག་ལག་ཁང་ཆག་ཆག་བཏབ། ལེགས་པར་བྱུགས། ལྕི་བ་སར་པའི་བྱུག་
D3.006.0191a03.01པས་བསྐུས་ཏེ་འདག་རྫས་དང་། ཆུ་དང་། དྲི་དང་། བདུག་པ་དང་། མེ་ཏོག་དང་། པོག་པོར་བཞག་ནས་དགེ་སློང་མ་སྐད་སྙན་པ་དག་བསྐོས་ཏེ་བསྡད་པ་དང་། དེ་དག་ཀྱང་རྒྱལ་པོ་བལྟས་ནས་ཆོས་བྱིན་གྱི་དྲུང་དུ་ལྷགས་པ་དང་། ཆོས་བྱིན་གྱིས་དེ་དག་ལ་འདག་
D3.006.0191a04.01རྫས་དང་། ལག་པ་བསྙལ་བའི་ཆུ་དང་། དྲི་དང་། བདུག་པ་དང་། མེ་ཏོག་དང་། པོག་པོར་དག་བྱིན་ནས་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ཕྱག་འཚལ་ཏེ་དགེ་སློང་མའི་དགེ་འདུན་གྱི་གོང་དུ་སྟན་བཤམས་པ་ཉིད་ལ་འདུག་གོ། །དེ་དག་ཀྱང་དེའི་རྐང་
D3.006.0191a05.01པ་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འཁོད་དོ། །ཆོས་བྱིན་གྱིས་དེ་དག་གི་བསམ་པ་དང་། བག་ལ་ཉལ་དང་། ཁམས་དང་རང་བཞིན་ཁོང་དུ་ཆུད་ནས་ཅི་ནས་ཀྱང་དེ་དག་གིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་
D3.006.0191a06.01དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་བྱས་སོ། །དེ་དག་གིས་བདེན་པ་མཐོང་ནས་སྨྲས་པ། འཕགས་མ་བདག་ཅག་གིས་དགེ་བའི་བཤེས་གཉེན་འཕགས་མ་ལ་བརྟེན་ནས་འཕགས་མས་བདག་ཅག་ལ་གང་མཛད་པ་འདི་ལྟ་བུ་ནི་བདག་ཅག་
D3.006.0191a07.01