完整藏文原文 · 德格版页 当前仅加载第 6 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་
D3.006.0250a01.01ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཀོ་ལྤགས་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། རྒྱུས་པ་དང་། རྒྱིའུ་དང་། འབྲེང་བུ་དང་། དྲ་གྲི་དང་། སྨྱུང་དང་། སྨྱུང་བུས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་
D3.006.0250a02.01བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་
D3.006.0250a03.01ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྫ་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། འཁོར་ལོ་དང་། དབྱིག་གུ་དང་། ཐ་གུ་དང་། འཁོར་ལོའི་རྟེན་མ་དང་།
D3.006.0250a04.01གསལ་གྱིས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་
D3.006.0250a05.01བའི་བསམ་པས་འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་འབྲེག་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་
D3.006.0250a06.01འདི་ལྟ་སྟེ། སྤུ་གྲི་དང་། ཆན་པ་དང་། བདར་དང་། སྨང་ཙེར་དང་། སེན་གྲིས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་
D3.006.0250a07.01