完整藏文原文 · 德格版页 当前仅加载第 6 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད།
D3.006.0250b01.01ཚེ་དང་ལྡན་པ་ནི་ཤིང་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། སྟེའུ་དང་། སྟ་རེ་དང་། གཟོང་དང་། སོག་ལེ་དང་། ཐོ་བས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་
D3.006.0250b02.01འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་སྨྱིག་མ་མཁན་ལས་རབ་ཏུ་བྱུང་བའི་གན་དུ་སྟོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་
D3.006.0250b03.01ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་སྨྱིག་མ་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། སྨྱིག་མ་དང་། གྲི་དང་། ཚོན་དང་། སྨྱུག་ཐོ་དང་། ལྷང་ཚེར་གྱིས་རང་གི་ལས་
D3.006.0250b04.01བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་བྲན་
D3.006.0250b05.01ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ་བསྐུ་མཉེ་དང་། དྲིལ་ཕྱི་དང་། ཁྲུས་དང་། ཕོ་ཉར་འགྲོ་
D3.006.0250b06.01བ་དང་། མངག་པས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་དགེ་
D3.006.0250b07.01