完整藏文原文 · 德格版页 当前仅加载第 6 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། འཕགས་པ་བདག་ལ་གླ་སྩོལ་ཅིག །སོང་ལ་ཁྱིམ་བདག་གི་ཆུང་མ་དེ་ཉིད་ལ་དོས་ཤིག །འཕགས་པ་ཁྱིམ་བདག་གི་མཆིས་བྲང་དེ་མཆིད་འབོ་ཞིང་འདི་སྐད་ཅེས་ཁྱོད་ཀྱིས་གང་ལ་རས་ཡུག་ཆེན་བྱིན་པ་དེ་ཉིད་ལ་གླ་དོས་ཤིག་ཅེས་མཆིའོ། །
D3.006.0177a01.01ཉེ་{དགའས་,དགས་}སྨྲས་པ། སོང་ཤིག་དང་བྱིན་པར་འགྱུར་རོ། །ཐ་ག་པ་དེ་ཡང་དེའི་གན་དུ་སོང་སྟེ་སྨྲས་པ། ཁྱིམ་བདག་གི་བཙུན་མོ་བདག་ལ་གླ་བྱིན་ཅིག །དེས་སྨྲས་པ། ཀྭའི་ཁྱོ་ག་ཁྱོད་འདུག་མི་ཕོད་དམ། གལ་ཏེ་འདུག་ན་ནི་འདུག་ཤིག །མི་འདུག་ན་ཁོ་མོས་
D3.006.0177a02.01ཁྱོད་ཀྱི་མགྲིན་པར་ཆོལ་ཟངས་བཏགས་ཏེ་མཉན་ཡོད་ཐམས་ཅད་དུ་བསྐོར་བར་བྱའོ། །ཐ་ག་པ་དེ་ཡང་ཉེ་དགའི་ཐད་དུ་སོང་སྟེ་སྨྲས་པ། འཕགས་པ་ཁྱིམ་བདག་གི་མཆིས་བྲང་དེས་བདག་སྤྱོས་ཏེ། ཀྭའི་ཁྱོ་ག་ཁྱོད་འདུག་མི་ཕོད་དམ། གལ་ཏེ་འདུག་ན་ནི་འདུག་ཤིག །
D3.006.0177a03.01མི་འདུག་ན་ཁོ་མོས་ཁྱོད་ཀྱི་མགྲིན་པར་ཆོལ་ཟངས་བཏགས་ཏེ་མཉན་ཡོད་ཐམས་ཅད་དུ་བསྐོར་བར་བྱའོ་ཞེས་མཆི་ཡིས་འཕགས་པས་བདག་ལ་གླ་སྩོལ་ཅིག །ཉེ་{དགའས་,དགས་}སྨྲས་པ། ཀྱེ་ནང་རྗེ་གལ་ཏེ་གང་གིས་ཁོ་བོའི་རས་ཡུག་ཆེན་འཐག་ཏུ་བཅུག་པ་དེའི་གླ་ཁོ་བོ་
D3.006.0177a04.01འཇལ་བར་གྱུར་ན་ཁོ་བོའི་ལྷུང་བཟེད་དང་ཆོས་གོས་ཀྱང་མེད་པར་འགྱུར་རོ། །གཞན་ཡང་ཚུར་ཤོག་རྩིས་བྱས་ཁྱོད་ཀྱིས་ཁོ་བོ་ལས་བག་ཕྱེའི་རིན་དང་། ཞུན་མར་དང་། ཧྭགས་ལ་སོགས་པ་ཇི་ཙམ་ཁྱེར་བ་དག་ཁོད་ཅིག་ཅེས་རྩིས་བྱས་པ་དང་། ཇི་ཙམ་ན་ཆེས་ལྷག་
D3.006.0177a05.01པར་ཁྱེར་བར་གྱུར་ནས། ཉེ་{དགའས་,དགས་}ཐ་ག་པ་དེ་ཡུད་ཙམ་ཞིག་ཉི་ཚན་ལ་བཏགས་ཏེ་བཏང་ངོ་། །ཐ་ག་པ་དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ། །བྲམ་ཟེའི་ཚུལ་ནི་ཚིག་སྟེ། དེ་ལྟར་ལྷག་པ་ཁོ་ན་བྱའོ་ཞེས་ཟེར་ལ་འབྲི་བ་ཁོ་ནར་བྱེད་དོ་ཞེས་
D3.006.0177a06.01སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་
D3.006.0177a07.01