完整藏文原文 · 德格版页 当前仅加载第 6 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་བསོད་སྙོམས་ལ་ཞུགས་པ་དག་ན་བུད་མེད་ཀྱི་ཡུལ་དག་གིས་སྨྲས་པ། འཕགས་པ་ཆོས་བསྟན་དུ་གསོལ། དགེ་སློང་རྣམས་ཀྱིས་སྨྲས་པ། སྲིང་མོ་དག་སྐྱེས་པ་འགའ་ཞིག་ཁྲིད་དེ་ཤོག །འཕགས་པ་དག་སྐྱེས་པས་ཅི་བགྱི། སྲིང་མོ་དག་བཅོམ་ལྡན་
D3.006.0257b01.01འདས་ཀྱིས་སྐྱེས་པ་བཞག་སྟེ། ཅི་ཙམ་འདོད་པར་ཆོས་བསྟན་པར་བྱའོ་ཞེས་བསླབ་པའི་གཞི་བཅའ་བར་མཛད་དོ། །འཕགས་པ་དག་ལེགས་ཏེ་བདག་ཅག་ཀྱང་ཤིན་ཏུ་སྦས་པ་དང་། ཤིན་ཏུ་བསྲུངས་པར་འགྱུར་ལ། འཕགས་པ་དག་ཀྱང་མི་བསྙེངས་པར་ཆོས་
D3.006.0257b02.01སྟོན་པར་འགྱུར་རོ་ཞེས་དེ་དག་གིས་སྐྱེས་པ་ཁྲིད་དེ་འོངས་ནས་དགེ་སློང་དག་གིས་ཀྱང་ཅི་འདོད་པས་ཆོས་བསྟན་ཏེ་དོང་ངོ་། །དྲུག་སྡེ་དག་བསོད་སྙོམས་ལ་ཞུགས་ནས་དེ་དག་གིས་བུད་མེད་ཀྱི་ཡུལ་དག་ལ་སྨྲས་པ། སྲིང་མོ་དག་འཁོད་ཅིག་དང་ཆོས་བསྟན་
D3.006.0257b03.01པར་བྱའོ། །དེ་དག་གིས་སྨྲས་པ། འཕགས་པ་དག་སྐྱེས་པ་འགའ་ཞིག་ཁྲིད་དེ་མཆིའི་བར་དུ་རེ་ཞིག་ཡུད་ཙམ་ཞིག་གཞེས་སུ་གསོལ་དྲུག་སྡེ་དག་གིས་སྨྲས་པ། ཁྱི་དང་། སྤྲེའུ་དང་། བེའུ་དང་། ཕྱི་རྒན་དུ་ཉལ་བ་དང་། གོག་པ་དང་། ཁྱེའུ་འདུག་པ་འདི་
D3.006.0257b04.01ལས་གཞན་པའི་སྐྱེས་པ་ཅི་དགོས་ཞེས་དེ་དག་ལ་ཆོས་བསྟན་ནས་དོང་ངོ་། །དགེ་སློང་གནས་བརྟན་གནས་བརྟན་དག་བསོད་སྙོམས་ལ་ཞུགས་པ་ན་བུད་མེད་ཀྱི་ཡུལ་དག་གིས་སྨྲས་པ། འཕགས་པ་དག་ཆོས་བསྟན་དུ་གསོལ། སྲིང་མོ་དག་སྐྱེས་པ་འགའ་ཞིག་ཁྲིད་
D3.006.0257b05.01དེ་ཤོག །དེ་དག་གིས་སྨྲས་པ། འཕགས་པ་དག་ཅི་ལགས་ཁྱི་དང་། སྤྲེའུ་དང་། བེའུ་དང་། ཕྱི་རྒན་དུ་ཉལ་བ་དང་། གོག་པ་དང་། ཁྱེའུ་འདི་དག་མ་མཆིས་སམ། སྲིང་མོ་དག་ཁོ་བོ་ཅག་སྐྱེས་པ་འདི་ལྟ་བུ་དང་ཆོས་མི་སྟོན་ཏེ། ཁྱེད་ཅག་ལ་སྐྱེས་པ་འདི་ལྟ་བུ་
D3.006.0257b06.01དང་ཆོས་སྟོན་པར་བྱེད་པ་དེ་སུ་ཡིན། དེ་དག་གིས་སྨྲས་པ། འཕགས་པ་དྲུག་སྡེ་དག་གོ། །དེ་ཁོ་ནའི་ཕྱིར་དེ་དག་གི་གནས་སྐབས་དེ་འདྲའོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D3.006.0257b07.01