完整藏文原文 · 德格版页 当前仅加载第 6 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
སུས་སྨྲས། སྟག་གིས་སྨྲས་པ། ཝ་འདིས་སོ། །སྟག་གིས་སྨྲས་པ། ཁྱོས་ལ་སུས་སྨྲས། སེང་གེས་སྨྲས་པ། ཝ་འདིས་སོ། །སེང་གེས་བསམས་པ། འདིས་བདག་ཅག་གཉིས་འབྱེད་པར་བྱེད་དོ་སྙམ་ནས་དེས་ཝ་དེ་ཐལ་ལྕག་གིས་བསྣུན་ཏེ་བསད་པ་
D3.006.0243a01.01དང་། ལྷས་ཚིགས་སུ་བཅད་པ་སྨྲས་པ། གཞན་གྱི་ཚིག་གིས་མཛའ་བཤེས་མི་སྤང་ཞིང་། །གཞན་གྱིས་སྨྲས་པ་དག་ལ་བརྟག་པར་བྱ། །འབྱེད་པར་འདོད་པ་སྐབས་ཚོལ་བྱེད་པས་ན། །སྐྱེ་བོ་ཕྲ་མ་ཅན་ལ་ཡིད་མ་རྟོན། །ཝ་སྐྱེས་གྲོང་པ་{བརྫུན་,རྫུན་}དུ་སྨྲ་བྱེད་པ། །མཛའ་
D3.006.0243a02.01བཤེས་འབྱེད་པར་བྱེད་པས་སྐྱེས་ཏོ་རེ། །ཕྲ་མ་སྨྲ་བ་དེ་ནི་བསད་གྱུར་ནས། །བདེ་བས་མཛའ་བཤེས་དགའ་བར་བྱེད་ལ་ལྟོས། དགེ་སློང་དག་རེ་ཞིག་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་ཕྲ་མས་ཀུན་དུ་སྤྱོད་པ་ན་གསོད་པར་སེམས་ན་མི་རྣམས་ལ་
D3.006.0243a03.01སྨོས་ཀྱང་ཅི་དགོས། དགེ་སློང་དག་དེ་ལྟ་བས་ན་དགེ་སློང་གིས་དགེ་སློང་ལ་ཕྲ་མས་ཀུན་དུ་སྤྱད་པར་མི་བྱའོ། །དགེ་སློང་གིས་དགེ་སློང་ལ་ཕྲ་མས་སྤྱོད་པར་བྱེད་ན་འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་
D3.006.0243a04.01རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་
D3.006.0243a05.01པར་བྱ་སྟེ། དགེ་སློང་ལ་ཕྲ་མ་བྱེད་ན་ལྟུང་བྱེད་དོ། །དགེ་སློང་ལ་ཕྲ་མ་བྱེད་ན་ཞེས་བྱ་བ་ནི་དགེ་སློང་ལ་ཕྲ་མ་བྱ་བའི་བསམ་པས་ངག་དང་། ཚིག་དང་ཐ་སྙད་དང་། སྐད་དང་། བརྗོད་པ་དང་། ངེས་པའི་ཚིག་དང་། ཚིག་གི་ལམ་དང་། ཚིག་གི་སྒྲ་དང་། ངག་གི་ལས་དང་།
D3.006.0243a06.01ངག་གི་རྣམ་པར་རིག་བྱེད་སྨྲས་པའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་
D3.006.0243a07.01