完整藏文原文 · 德格版页 当前仅加载第 6 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། བྱང་ལམ་ནས་ཚོང་པ་དོན་མཐུན་འོངས་ནས་དེར་ཁོ་བོས་དེད་དཔོན་ལ་མིང་དང་རུས་ནས་བརྗོད་ནས་དེས་ཁོ་བོ་ལ་དད་པས་དད་པའི་དབང་དུ་བྱས་པ་སྦྱིན་ནོ། །དེ་དག་གིས་སྨྲས་པ། ཤེས་པ་ཅན་བདག་ཅག་ལ་ཤཱཀྱའི་བུའི་དགེ་སྦྱོང་དེ་དག་རྟག་ཏུ་ཁྱེད་ལ་ཐག་པ་དག་དང་ཕྲེང་རྒྱུད་དག་
D3.006.0150b01.01དང་། འབྲུ་མར་མཁན་དག་ལས་གཞན་པ་མི་གཙོ་བོ་འགའ་ཡང་མངོན་པར་དད་པར་མི་བྱེད་དོ་ཞེས་ཐོ་འཚམ་པར་བྱེད་ཀྱིས། ཁྱོད་ལ་བ་འདི་གྱོན་ཏེ་སོང་ལ་ཤཱཀྱའི་བུའི་དགེ་སྦྱོང་དེ་དག་གི་སྙིང་དག་གས་པར་གྱིས་ཤིག་དེ་ལྟར་བྱའོ་ཞེས་སྨྲས་ཏེ། དེ་ནས་ཤེས་པ་ཅན་དེ་ལ་བ་དེ་གྱོན་ནས་རྒྱལ་བྱེད་
D3.006.0150b02.01ཀྱི་ཚལ་དུ་སོང་ངོ་། །དྲུག་སྡེ་དག་གིས་ཀུན་ཏུ་སྤྱོད་པ་ནི་འདིར་བདག་ཅག་གིས་བྲམ་ཟེ་དང་ཁྱིམ་བདག་འོངས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ་སྙམ་པས་དྲུག་སྡེ་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་
D3.006.0150b03.01སྟོང་པར་མི་འཇོག་པས་ཉེ་དགའ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེས་ཤེས་པ་ཅན་དེ་ཐག་རིང་པོ་ཁོ་ན་ནས་མཐོང་ངོ་། །དེ་ནས་ཉེ་{དགའས་,དགས་}བསམས་པ། གཅེར་བུ་པ་ངན་པ་འདི་ལ་བ་བཟང་པོ་ཞིག་གྱོན་ཏེ་འོངས་ཀྱིས་གལ་ཏེ་བདག་གིས་དེ་མ་ཕྲོགས་ན་ཉེ་དགའ་ཞེས་བྱ་བའི་
D3.006.0150b04.01མིང་མི་གཟུང་ངོ་སྙམ་ནས། དེས་དེ་ལ་སྨྲས་པ། ཤེས་པ་ཅན་ཁྱོད་གཅེར་བུ་པ་ཡིན་ལ་ལ་བ་འདི་ལྟ་བུ་གྱོན་ན་ཕྱིར་བབས་སམ་ཅི་ཁོ་བོ་ཕྱིར་མ་བབས་ཏེ། འདི་ལྟར་བྱང་ལམ་ནས་ཚོང་པ་དོན་མཐུན་འོངས་ནས་དེར་ཁོ་བོས་དེད་དཔོན་ལ་མིང་དང་རུས་ནས་བརྗོད་ནས་དེས་ཁོ་བོ་ལ་དད་པས་དད་
D3.006.0150b05.01པའི་དབང་དུ་བྱས་པ་བྱིན་ནོ། །མ་ལེགས་སོ་མ་ལེགས་སོ། །ཁྱེད་ཀྱིས་རྒས་པའི་གནས་སྐབས་སུ་ཚུལ་ཁྲིམས་འཆལ་པ་ཀུན་ཏུ་སྤྱད་དོ། །ཚུར་ཤོག་འདུག་ཤིག་དང་ཆོས་བསྟན་པར་བྱའོ། །ཤེས་པ་ཅན་དེ་ཉེ་དགའི་མདུན་དུ་འདུག་པ་དང་། ཉེ་དགའ་ཡིད་དགའ་ཞིང་ཡིད་དགའ་
D3.006.0150b06.01ནས་དེ་ལ་སྦྱིན་པའི་བསྔགས་པ་བརྗོད་པར་བརྩམས་སོ། །དྲུག་སྡེ་དག་གི་ཀུན་ཏུ་སྤྱོད་པ་ནི་གལ་ཏེ་ཚུལ་ཁྲིམས་ཀྱི་གཏམ་དག་བྱེད་ན་ཉན་པ་པོ་དག་བདག་ཅག་ལྷ་རྣམས་སུ་སྐྱེས་སོ་སྙམ་དུ་སེམས་ལ། གལ་ཏེ་སྦྱིན་པའི་གཏམ་དག་བྱེད་ན་ཉན་པ་པོ་དག་རང་གི་ཤ་གང་ཡིན་
D3.006.0150b07.01