完整藏文原文 · 德格版页 当前仅加载第 6 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
བཤགས་པར་བྱ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་རྙེད་པ་འདོད་པས་ཉོ་བར་བྱེད། འཚོང་བར་བྱེད་ན་ཉོ་བར་བྱེད་པ་ལ་ཉེས་བྱས་སུ་འགྱུར་ལ། འཚོང་བ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་
D3.006.0156b01.01རྙེད་པ་འདོད་པས་ཉོ་བར་བྱེད་ཅིང་རྙེད་པ་མི་འདོད་པས་འཚོང་བར་བྱེད་ན། ཉོ་བར་བྱེད་པ་ལ་ཉེས་བྱས་སུ་འགྱུར་ལ། འཚོང་བར་བྱེད་པ་ལ་ལྟུང་བ་མེད་དོ། །དགེ་སློང་གིས་རྙེད་པ་མི་འདོད་པས་ཉོ་བར་བྱེད་ཅིང་རྙེད་པ་འདོད་པས་འཚོང་བར་བྱེད་ན་ཉོ་བར་བྱེད་པ་ལ་ལྟུང་བ་མེད་ལ། འཚོང་བར་
D3.006.0156b02.01བྱེད་པ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་མི་འདོད་པས་ཉོ་བར་བྱེད་ཅིང་རྙེད་པ་མི་འདོད་པས་འཚོང་བར་བྱེད་ན་གཉིས་ཀ་ལ་ལྟུང་བ་མེད་དོ། །ཡུལ་གཞན་གྱི་སྦྱོར་བས་སྔ་མའི་རྒྱུད་སྦྱོང་བར་བྱེད་པ་ལ་ལྟུང་བ་མེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་
D3.006.0156b03.01ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་{བཟངས་,བཟང་}ན་བཞུགས་སོ། །དེའི་ཚེ་ན་བྱང་ལམ་པའི་ཚོང་པ་ལམ་གྱི་བགྲོད་པར་ཞུགས་པ་དག་གིས་གཙུག་ལག་ཁང་རྟ་བབས་མཐོན་
D3.006.0156b04.01པོ་དང་ལྡན་པ། སྐར་ཁུང་དང་། སྐར་ཁུང་དྲ་བ་ཅན་དང་། ལན་ཀན་གྱིས་བརྒྱན་པ། མིག་དང་སྙིང་འཕྲོག་པ་མཐོ་རིས་ཀྱི་ཐེམ་སྐས་སུ་གྱུར་པ་དག་མཐོང་ནས་དེ་དག་དད་པར་གྱུར་ཏེ། དེ་དག་གཙུག་ལག་ཁང་དུ་དོང་ནས་དགེ་སློང་རྣམས་ལ་འདི་སྐད་ཅེས་སྨྲས་སོ། །འཕགས་
D3.006.0156b05.01པ་དག་བདག་ཅག་གིས་དགེ་འདུན་ལ་མཆོད་སྟོན་བགྱིའོ། །དགེ་སློང་རྣམས་ཀྱིས་སྨྲས་པ། མཆོད་སྟོན་གྱི་ཡོ་བྱད་དག་ཁྱེར་ཏེ་ཤེག་ཤིག །དེ་དག་གིས་སྨྲས་པ། བདག་ཅག་བློ་བུར་དུ་ལྷགས་པ་དག་ལགས་ཏེ། འདི་ལྟར་བདག་ཅག་རིན་འབུལ་གྱིས་ཁྱེད་ཀྱིས་འབྲས་
D3.006.0156b06.01དག་སྩོལ་ཅིག །བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མཛད་པས་བདག་ཅག་འབྲས་དག་མི་འཚོང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་མི་བྱ་བར་འདི་ལྟར་གང་
D3.006.0156b07.01