完整藏文原文 · 德格版页 当前仅加载第 6 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
གཏུན་བུས་བརྡུངས་ནས་ས་བོན་ཉམས་པ་དང་། ས་བོན་རྣམ་པར་ཉམས་པར་གྱུར་ན་དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང་། ས་བོན་རྣམ་པར་ཉམས་པར་མ་གྱུར་ན་ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་
D3.006.0285b01.01གྱུར་ཅིག །ས་བོན་རྣམ་པར་ཉམས་པར་གྱུར་ཅིག་སྙམ་པས་ས་བོན་གྱི་རིགས་ལྔ་པོ་དག་ས་སྐམ་པོ་ལ་འཇོག་ཅིང་ས་བོན་ཉམས་པ་དང་། ས་བོན་རྣམ་པར་ཉམས་པར་གྱུར་ན་དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང་། ས་བོན་རྣམ་པར་ཉམས་པར་
D3.006.0285b02.01མ་གྱུར་ན་ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག །ས་བོན་རྣམ་པར་ཉམས་པར་གྱུར་ཅིག་སྙམ་པས་ས་བོན་གྱི་རིགས་ལྔ་པོ་དག་ཚྭ་རྒོའམ། འགྱུར་བྱེད་དམ། ལྕི་བའམ། སས་འགེབས་པར་བྱེད་ཅིང་ས་བོན་ཉམས་པ་དང་། ས་བོན་རྣམ་
D3.006.0285b03.01པར་ཉམས་པར་གྱུར་ན་དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང་། ས་བོན་རྣམ་པར་ཉམས་པར་མ་གྱུར་ན་ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག །ས་བོན་རྣམ་པར་ཉམས་པར་གྱུར་ཅིག་སྙམ་པས་ས་
D3.006.0285b04.01བོན་གྱི་རིགས་ལྔ་པོ་དག་ལ་ཁུ་ཚན་ནམ། འབྲས་ཁུའམ། སྲན་ཚོད་ལྡུགས་པར་བྱེད་ཅིང་། ས་བོན་ཉམས་པ་དང་། ས་བོན་རྣམ་པར་ཉམས་པར་གྱུར་ན། དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང་། ས་བོན་རྣམ་པར་ཉམས་པར་མ་
D3.006.0285b05.01གྱུར་ན་ཉེས་བྱས་ལྔར་འགྱུར་རོ། །དགེ་སློང་གིས་སྦྱོར་བ་གཅིག་གིས་ཤིང་ལྗོན་པ་གཅིག་གཅོད་ན་ཉེས་བྱས་གཅིག་དང་། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་གཅིག་གིས་ཤིང་ལྗོན་པ་གཉིས་གཅོད་ན་ཉེས་བྱས་གཅིག་དང་ལྟུང་བྱེད་གཉིས་སུ་
D3.006.0285b06.01འགྱུར་རོ། །དགེ་སློང་གིས་སྦྱོར་བ་གཅིག་གིས་ཤིང་ལྗོན་པ་རབ་ཏུ་མང་པོ་གཅོད་ན་ཉེས་བྱས་གཅིག་དང་། ལྟུང་བྱེད་རབ་ཏུ་མང་པོར་འགྱུར་རོ། །དགེ་སློང་གིས་སྦྱོར་བ་གཉིས་ཀྱིས་ཤིང་ལྗོན་པ་གཅིག་གཅོད་ན་ཉེས་བྱས་གཉིས་དང་། ལྟུང་བྱེད་གཅིག་ཏུ་འགྱུར་རོ། །
D3.006.0285b07.01