完整藏文原文 · 德格版页 当前仅加载第 6 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
པས་རྙེད་པ་གང་གྲུབ་པ་དེ་ཡང་ཁོ་བོ་ཉིད་ཀྱིར་བྱའོ། །ཉེ་{དགའས་,དགས་}བསམས་པ་འདི་འདི་ན་འདུག་འདུག་པས་རྙེད་པ་མང་པོ་གྲུབ་གོར་མ་ཆག་སྙམ་ནས་དེས་སྨྲས་པ། ཚེ་དང་ལྡན་པ་དག་བདག་ཅག་དུས་ཐམས་ཅད་དུ་དྲུག་སྡེ་ཡིན་ན་ད་ཅིའི་ཕྱིར་ལྔ་སྡེར་འགྱུར་
D3.006.0140a01.01བར་བྱ། ཆ་དྲུག་ཁོ་ནར་བྱའོ་སུ་དགོད་དུ་གཞུག །བཙུན་པ་འཆར་ཀ་མ་དུབ་པ་ཡིན་གྱིས་དེ་འགོད་དུ་གཞུག་གོ། །འཆར་ཀས་ཆ་དྲུག་ཏུ་བྱས་ཏེ་བདག་ཉིད་ཀྱི་སྐལ་བ་རང་གི་གནས་ཁང་དུ་བཅུག་སྟེ་བཞག་གོ། །དེ་དག་གིས་སྨྲས་པ། བཙུན་པ་འཆར་ཀ་ཁྱོད་ཀྱིས་རྙེད་
D3.006.0140a02.01པ་གང་གྲུབ་པ་དེ་ཁྱེར་ཤོག་བགོའོ། །འཆར་ཀས་སྨྲས་པ། ཁོ་བོས་དེའི་བར་དུ་ཀ་ཀ་ཎི་གཅིག་ཙམ་ཡང་མ་རྙེད་དོ། །ཁྱོད་ཀྱིས་ཁོ་བོ་ཅག་བསླུས་སོ། །འཆར་ཀས་བསམས་པ། བདག་གིས་བལ་ཉུང་ངུ་མ་ཞིག་རྙེད་པ་འདི་སུ་རྨེལ་དུ་གཞུག །གལ་ཏེ་ཁྱིམ་པ་དག་
D3.006.0140a03.01ལ་བཅོལ་ན་ནི་དེ་དག་བསླབ་པ་ཡང་དག་པར་མ་བླངས་པ་ཡིན་པས་ཐམས་ཅད་བརྐུས་པར་འགྱུར་རོ། །གལ་ཏེ་བཅུ་གཉིས་སྡེ་དག་ལ་བཅོལ་ན་ནི་བཅའ་བའི་རིན་དུ་འཇོག་པར་འགྱུར་རོ། །ཆོས་བྱིན་ལ་བཅོལ་ཡང་ཆོས་བྱིན་ནི་མདོ་སྡེའི་མཐའ་པ་ཡིན་ལ། འཁོར་ཡང་མདོ་
D3.006.0140a04.01སྡེའི་མཐའ་པ་དང་ལྡན་པ་ཡིན་པས་མདོ་སྡེའི་ཚིག་དག་སེམས་པ་ན་དུས་འགྱངས་པར་འགྱུར་རོ། །གཽ་ཏ་མཱི་སྐེམ་མོ་ལ་བཅོལ་དུ་ཡང་གཽ་ཏ་མཱི་སྐེམ་མོ་ནི་འདུལ་བ་འཛིན་པ་ཡིན་ལ། དེའི་འཁོར་ཡང་འདུལ་བ་འཛིན་པ་དང་ལྡན་པ་ཡིན་པས་དེ་འདི་ནི་ལྟུང་བ་ཡིན་ནོ། །འདི་ནི་ལྟུང་
D3.006.0140a05.01བ་མ་ཡིན་ནོ་ཞེས་སེམས་པ་ན་དུས་འགྱངས་པར་འགྱུར་རོ། །སྐྱེ་དགུའི་བདག་མོ་ཆེན་མོ་གཽ་ཏ་མཱི་ནི་སྤོང་བ་མ་ཡིན་ལ། འཁོར་ཡང་སྤོང་བ་པ་དང་ལྡན་པས་དེས་སེམས་རྩེ་གཅིག་ཏུ་འཇོག་པ་ལ་བལ་རྨེལ་བ་མི་གནོད་ཀྱིས་བདག་གིས་དེ་ལ་བལ་རྨེལ་དུ་བཅོལ་ལོ་སྙམ་ནས།
D3.006.0140a06.01དེ་དེ་སྙམ་སེམས་ཞིང་འདུག་པ་ན་སྐྱེ་དགུའི་བདག་མོ་ཆེན་མོ་གཽ་ཏ་མཱིས་བཅོམ་ལྡན་འདས་ག་ལ་བ་དེར་འོངས་པ་དེ་ཚེ་དང་ལྡན་པ་འཆར་ཀས་ཐག་རིང་པོ་ཁོ་ན་ནས་མཐོང་ནས་སྨྲས་པ། གཽ་ཏ་མཱིས་བཅོམ་ལྡན་འདས་ཀྱིས་ཚུལ་ཁྲིམས་དང་ལྡན་པའི་སེམས་ཀྱི་སྨོན་པ་འགྲུབ་སྟེ།
D3.006.0140a07.01