完整藏文原文 · 德格版页 当前仅加载第 6 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
བྱོན་པའི་བློ་གྲོས་མཛད་དུ་གསོལ། །ཞེས་བྲིས་སོ། །དེ་ནས་འཆར་ཀ་ཕྲིན་ཡིག་དེ་བླངས་ཏེ་མཉན་ཡོད་དུ་འཕགས་ནས་དེ་མཐར་གྱིས་མཉན་ཡོད་དུ་ཕྱིན་ནས་ཇི་ཙམ་ན་འཆར་ཀས་བཅོམ་ལྡན་འདས་ལ་ཕྲིན་ཡིག་ཕུལ་བ་དང་། བཅོམ་ལྡན་འདས་ཉིད་ཀྱིས་ཕྲིན་ཡིག་
D3.006.0069b01.01བཀླག་པ་མཛད་ནས། འཆར་ཀས་གསོལ་པ། བཅོམ་ལྡན་འདས་སེར་སྐྱའི་གནས་སུ་གཤེགས་སམ། འཆར་ཀ་འོང་ངོ་། །འཆར་ཀས་སྔོན་གྱི་གཅུགས་པ་དེ་ཉིད་ཀྱིས་འདི་སྐད་ཅེས་གསོལ་ཏོ། །གལ་ཏེ་བཅོམ་ལྡན་འདས་མི་གཤེགས་ན་བདག་གིས་མཐུས་བཀྲི་
D3.006.0069b02.01བར་བགྱིའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་བཀའ་སྩལ་པ། གང་ལ་ཁྲིད་བྱེད་སྲེད་པ་ཡི། །དྲ་བཀྲམ་གང་ནའང་ཡོད་མིན་པ། །སྤྱོད་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །གང་ལ་ཁྲིད་བྱེད་སྲེད་པ་ཡི། །
D3.006.0069b03.01དྲ་བཀྲམ་གང་ནའང་ཡོད་མིན་པ། །རྩལ་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །གང་རྒྱལ་མི་ཉམས་གང་ལ་ནི། །འཇིག་རྟེན་མ་རྒྱལ་ཡོང་མེད་པ། །སྤྱོད་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །གང་
D3.006.0069b04.01རྒྱལ་མི་ཉམས་གང་ལ་ནི། །འཇིག་རྟེན་མ་རྒྱལ་ཡོང་མེད་པ། །རྩལ་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །འཆར་ཀས་གསོལ་པ། བཅོམ་ལྡན་འདས་བདག་རྒྱལ་པོ་ཟས་གཙང་ལ་བརྗོད་དུ་མཆིའོ། །བཅོམ་ལྡན་འདས་ཀྱིས་བཀའ་སྩལ་
D3.006.0069b05.01པ། འཆར་ཀ་རྒྱལ་བའི་ཕོ་ཉ་དག་ནི་དེ་ལྟ་བུ་མ་ཡིན་ནོ། །བཅོམ་ལྡན་འདས་འོ་ན་རྒྱལ་བའི་ཕོ་ཉ་དག་ཇི་ལྟ་བུ་ལགས། སྐྲ་བྲེགས་ཤིང་གོས་ངུར་སྨྲིག་གོན་པ་རབ་ཏུ་བྱུང་བ་དག་ཡིན་ནོ། །བཅོམ་ལྡན་འདས་བདག་གིས་རྒྱལ་པོ་ཟས་གཙང་ལ་སླར་མཆིས་པར་མཆིད་
D3.006.0069b06.01ཀྱིས་འཚལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། རབ་ཏུ་བྱུང་སྟེ་སོང་ཤིག །འདི་ལྟར་བཅོམ་ལྡན་འདས་བྱང་ཆུབ་སེམས་དཔར་གྱུར་པས་སྔོན་ཚེ་རབས་རྗེས་པ་དེ་དང་དེ་དག་ཏུ་ཡབ་དང་། ཡུམ་དང་། མཁན་པོ་དང་། སློབ་དཔོན་དང་། བླ་མ་དང་། བླ་
D3.006.0069b07.01