完整藏文原文 · 德格版页 当前仅加载第 6 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དུ་མེད་དོ། །དེའི་ཕྱིར་ཁྱོད་ཀྱི་གནས་སྐབས་དེ་ལྟ་བུ་དེར་གྱུར་ཏོ། །ཚེ་དང་ལྡན་པ་ཆོས་ཀྱི་སྣམ་སྦྱར་རྙིངས་ནས་དེས་རས་ཡུག་ཆེན་ཞིག་རྙེད་ནས་བསམས་པ། བདག་སོང་ལ་མཁན་པོ་ལ་ཞུས་ཏེ་སྣམ་སྦྱར་བཙེམ་པར་བྱའོ་སྙམ་ནས། དེས་དེ་ཁྱེར་ཏེ་དགའ་
D3.006.0179b01.01བོའི་གན་དུ་འཕགས་པ་དང་། དེ་འགྲོ་བ་ན་བསོད་སྙོམས་པ་ཞིག་གིས་མཐོང་ནས་དེས་སྨྲས་པ། ཚེ་དང་ལྡན་པ་ཆོས་གར་འགྲོ། དེས་སྨྲས་པ། ཁོ་བོའི་སྣམ་སྦྱར་རྙིངས་ཏེ་ཁོ་བོའི་རས་ཡུག་ཆེན་འདི་རྙེད་པས་བདག་སོང་སྟེ་མཁན་པོ་ལ་ཞུས་ལ་སྣམ་སྦྱར་བཙེམ་
D3.006.0179b02.01པར་བྱའོ། །བསོད་སྙོམས་པས་སྨྲས་པ། གལ་ཏེ་ཁྱོད་སྣམ་སྦྱར་སར་པ་གཞན་འཚེམ་ན་སྣམ་སྦྱར་རྙིང་པ་འདི་ཁོ་བོ་ལ་བྱིན་ཅིག །དེ་བཞིན་བྱའོ། །དེ་དགའ་བོའི་གན་དུ་སོང་སྟེ་སྨྲས་པ། མཁན་པོ་བདག་གི་སྣམ་སྦྱར་རྙིངས་ཏེ་བདག་གིས་རས་ཡུག་ཆེན་
D3.006.0179b03.01འདི་རྙེད་པས་སྣམ་སྦྱར་བཙེམ་པར་ཞུའོ། །ཉེ་{དགའས་,དགས་}སྨྲས་པ་སློབ་དཔོན་འདི་ནི་དེའི་དུས་ལགས་སོ། །དགའ་བོས་སྨྲས་པ། ཚེ་དང་ལྡན་པ་ཆོས་ཁོ་བོ་ཉིད་ལ་སྣམ་སྦྱར་ཞིག་ཡོད་པ་དེ་ཁོ་བོས་ཁྱོད་ལ་སྦྱིན་ནོ། །མཁན་པོ་མི་འཚལ་ཏེ་བདག་གིས་རས་ཡུག་
D3.006.0179b04.01ཆེན་འདི་ལས་སྣམ་སྦྱར་དྲུབས་ཏེ་བཅང་བར་བགྱིའོ། །ཉེ་{དགའས་,དགས་}སྨྲས་པ། ཚེ་དང་ལྡན་པ་ཆོས་ཁོ་བོས་ཀོ་གཞན་ཐོས་ལ་གཞན་མཐོང་སྟེ། ཁོ་བོས་ཁྱོད་ངོ་ཚ་ཤེས་པ། འགྱོད་པ་དང་ལྡན་པ། བསྡམས་པ། བསླབ་པ་འདོད་པ་ཡིན་པར་ཤེས་ཀྱི། ཁོ་བོས་
D3.006.0179b05.01ཁྱོད་འདི་ལྟར་མཁན་པོའི་ཆོས་དང་ལྡན་པའི་ཚིག་གཅོག་པར་མི་ཤེས་སོ། །ཅི་ཁྱོད་མཁན་པོ་དང་མི་མཐུན་པའི་དོན་ཡང་དག་པར་ལེན་པར་བྱེད་དམ། དེ་དགེ་སློང་དབང་ཆེན་པོས་སྨད་པས་ཅང་མི་སྨྲ་བར་འདུག་པ་དང་། དགའ་བོས་ཀྱང་དེ་ལ་སྣམ་སྦྱར་བྱིན་ནོ། །
D3.006.0179b06.01དེས་དེ་བླངས་ནས་སྨྲས་པ། མཁན་པོ་ཁྱོད་རས་ཡུག་ཆེན་འདི་བཞེས་ཤིག །ཚེ་དང་ལྡན་པ་ཆོས་ཅི་ཁོ་བོས་ཁྱོད་ལ་བརྗེ་བའི་ཕྱིར་སྣམ་སྦྱར་བྱིན་ནས་རས་ཡུག་ཆེན་ཡང་ཁྱོད་ཉིད་ཁྱེར་ཅིག །དེས་བསམས་པ། བདག་ལ་ཡོ་བྱད་དོན་མེད་པ་འདིས་ཅི་བྱ། བདག་
D3.006.0179b07.01