完整藏文原文 · 德格版页 当前仅加载第 6 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་དང་ཐམས་ཅད་བྱའོ། །དེས་སྨྲས་པ། མཁན་པོ་རེ་ཞིག་བགྱི་བ་གཞན་བཏང་སྟེ། ཇེ་རིག་བྱེད་བཀླག་པར་བགྱིའོ། །བུ་མ་ཉེས་ཏེ། བྲམ་ཟེ་རང་གི་རིགས་སྒྲོགས་པས་བྱ་བ་ནི་དེ་ཡིན་ནོ། །དེས་དེའི་དྲུང་དུ་རིག་བྱེད་བཀླག་པར་བརྩམས་པ་དང་། དེ་བློ་རྣོ་
D3.006.0031b01.01བ་དང་། བརྟན་པ་དང་། བརྩོན་འགྲུས་བརྩམས་པ་ཡིན་པས་དེས་དུས་ཅུང་ཞིག་གིས་རིག་བྱེད་བཞི་པོ་དག་བཀླགས་སོ། །བྲམ་ཟེ་དེ་མངོན་པར་དགའ་ནས་དེས་དེའི་བུ་མོ་རྒྱན་ཐམས་ཅད་ཀྱིས་བརྒྱན་ཏེ་དེའི་ཆུང་མར་བྱིན་ཞིང་བདག་དབང་བའི་ནོར་མང་པོ་དག་ཀྱང་བྱིན་ནོ། །
D3.006.0031b02.01དེ་བྲམ་ཟེ་མདུན་ན་འདོན་གྱི་དམག་པར་གྱུར་ཅིང་རིག་བྱེད་བཞི་དང་ལྡན་པ་ཞེས་འཇིག་རྟེན་ཐམས་ཅད་ལ་རྣམ་པར་གྲགས་ཤིང་། སྦྱིན་པ་དང་། མཆོད་པ་དང་། བསྙེན་བཀུར་དག་གིས་ཁྱིམ་གྱི་འབྱོར་པ་ཉེ་བར་བསགས་པར་གྱུར་ཏོ། །ཇི་ཙམ་དུས་གཞན་ཞིག་ན་
D3.006.0031b03.01རྡོ་འཇོག་ན་གནས་པའི་སྐྱེ་བོའི་ཚོགས་དག་ཟོང་ཐོགས་ཏེ་མཉན་ཡོད་དུ་ལྷགས་ནས། དེ་དག་གིས་ཆོལ་ཟངས་པ་ཇི་ལྟར་བྲམ་ཟེ་མདུན་ན་འདོན་གྱི་དམག་པར་གྱུར་ཅིང་། རིག་བྱེད་བཞི་དང་ལྡན་པ། སྦྱིན་པ་དང་། མཆོད་པ་དང་། བསྙེན་བཀུར་དག་གིས་ཁྱིམ་
D3.006.0031b04.01གྱི་འབྱོར་པ་ཉེ་བར་བསགས་པར་གྱུར་པ་ཐོས་སོ། །ཐོས་ནས་ཀྱང་གྲོས་བྱ་བར་བརྩམས་པ། བདག་ཅག་འདོང་ཞིང་དེ་མངོན་སུམ་དུ་བྱས་ཏེ་རྡོ་འཇོག་ན་ཉི་ཟླ་བདེ་བའི་གཏམ་བྱའོ་སྙམ་ནས་དེ་དག་དེའི་གན་དུ་སོང་སྟེ། དེ་དག་གིས་དེ་ངོ་ཤེས་ནས་ཅང་མ་སྨྲས་
D3.006.0031b05.01པར་དེ་ནས་ཟོང་བསྒྱུར་ཏེ་རིན་བླངས་ནས་རྡོ་འཇོག་ཏུ་དོང་ངོ་། །དེ་དག་གིས་ལམ་གྱི་ངལ་བ་བསོ་སྟེ་ཉི་ཟླ་ལ་སྨྲས་པ། མཉན་ཡོད་ན་ཁྱོད་ཀྱི་ནུ་བོ་ཆོལ་ཟངས་པ་བྲམ་ཟེ་མདུན་ན་འདོན་གྱི་དམག་པར་གྱུར་ཅིང་། རིག་བྱེད་བཞི་དང་ལྡན་པར་འཇིག་རྟེན་ཐམས་ཅད་ལ་རྣམ་པར་
D3.006.0031b06.01གྲགས་ཏེ། སྦྱིན་པ་དང་། མཆོད་པ་དང་། བསྙེན་བཀུར་དག་གིས་ཁྱིམ་གྱི་འབྱོར་པ་ཉེ་བར་བསགས་པར་གྱུར་ཏོ། །དེ་ཡིད་དགའ་བ་སྐྱེས་ནས་མ་ལ་སྨྲས་པ། མ་ཆོལ་ཟངས་པ་དེ་མཉན་ཡོད་ན་བྲམ་ཟེ་མདུན་ན་འདོན་གྱི་དམག་པར་གྱུར་ཅིང་། རིག་བྱེད་བཞི་
D3.006.0031b07.01