完整藏文原文 · 德格版页 当前仅加载第 6 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོང་རྡལ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོམ་བྱེ་བ་དག་གི་ཚོང་རྡལ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་ཟོང་འཇོག་པར་བྱེད་པ་དང་། ཉོ་བར་བྱེད་
D3.006.0052a01.01པ་དང་། འཚོང་བར་བྱེད་པ་དང་། བགྲང་བར་བྱེད་པ་དང་། འཇལ་བར་བྱེད་པ་དང་། འཇོག་པར་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་
D3.006.0052a02.01བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཚོང་རྡལ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་
D3.006.0052a03.01དག་གི་ཚོང་རྡལ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། གཞག་སྟེགས་སོ། །དགེ་སློང་གིས་ནང་དུ་ཆོས་གོས་དག་བཞག་སྟེ་གཞག་སྟེགས་སུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །གཞག་སྟེགས་སུ་ཆོས་གོས་
D3.006.0052a04.01དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་གཞག་སྟེགས་སུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཚོང་རྡལ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གི་
D3.006.0052a05.01གིའམ། སྤུན་སྒོ་མ་བྱེ་བ་དག་གི་ཚོང་རྡལ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་ཟོང་འཇོག་པར་བྱེད་པ་དང་། ཉོ་བར་བྱེད་པ་དང་། འཚོང་བར་བྱེད་པ་དང་། བགྲང་བར་བྱེད་པ་
D3.006.0052a06.01དང་། འཇལ་བར་བྱེད་པ་དང་། འཇོག་པར་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་
D3.006.0052a07.01