完整藏文原文 · 德格版页 当前仅加载第 6 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
དག་གང་དག་གིས་དགེ་སློང་རྣམས་འགྱོད་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་མངོན་པར་མི་
D3.006.0279a01.01དགའ་བར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་རྣམ་པར་འཁྱམ་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་
D3.006.0279a02.01ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་། དགེ་འདུན་ལྷག་མའི་ཆོས་བཅུ་གསུམ་དང་། མ་ངེས་པའི་ཆོས་གཉིས་དང་། སྤང་བའི་ལྟུང་བྱེད་ཀྱི་ཆོས་སུམ་བཅུ་དང་། ལྟུང་བྱེད་ཀྱི་ཆོས་དགུ་བཅུ་དང་། སོ་སོར་བཤགས་པར་བྱ་བའི་ཆོས་བཞི་དང་། བསླབ་པའི་ཆོས་
D3.006.0279a03.01མང་པོ་དང་། རྩོད་པ་ཞི་བར་བྱ་བའི་ཆོས་བདུན་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་པ་དང་། གདུང་བ་དང་། ཀུན་དུ་གདུང་བ་དང་། ཡོངས་སུ་གདུང་བ་དང་། འདོད་པ་
D3.006.0279a04.01དང་། མངོན་པར་མི་དགའ་བ་དང་། རྣམ་པར་འཁྱམ་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་གཞི་དག་དང་། ཕྲན་ཚེགས་དག་དང་། གླེང་གཞི་དག་དང་། སིལ་བུ་དག་དང་། འདུལ་བ་ལྔ་པ་དག་དང་། འདུལ་
D3.006.0279a05.01བ་དྲུག་པ་དང་། འདུལ་བའི་མ་མོ་དག་དང་། དེ་ལས་གཞན་པ་འདུལ་བ་དང་ལྡན་པའི་མདོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་སེམས་དང་། གདུང་བ་དང་། ཀུན་ཏུ་གདུང་བ་དང་།
D3.006.0279a06.01ཡོངས་སུ་གདུང་བ་དང་། འདོད་པ་དང་། མངོན་པར་མི་དགའ་བ་དང་། རྣམ་པར་འཁྱམ་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་དེ་ལས་གཞན་པའི་མདོ་སྡེ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་
D3.006.0279a07.01