完整藏文原文 · 德格版页 当前仅加载第 6 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་ཚངས་པ་མཚུངས་པར་སྤྱོད་པ་ལ་མཉེས་གཤིན་པས་བཤེས་པ་དང་བཅས་པ་ཉིད་ཀྱི་ཚིག་གིས་བསུ་ནས་ལྷུང་བཟེད་དང་། ཆོས་གོས་དང་། ཁར་བ་དང་།
D3.006.0269a01.01གཏུར་བུ་དང་། རིལ་བ་སྤྱི་བླུགས་དང་། འབྲུ་མར་སྣོད་དང་། ཞྭ་དང་། ལྷམ་ཡུ་ཆད་དང་། མཆིལ་ལྷམ་ལེན་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །ཚེ་དང་ལྡན་པ་དག་ཚུར་ཤེག་འོངས་པ་ལེགས་སོ། །ཚེ་དང་ལྡན་པ་དག་ཁྱེད་ཅག་གང་ནས་ད་ལྟར་འདིར་
D3.006.0269a02.01འོངས། ཁྱེད་ཅག་གང་དུ་དབྱར་གནས་པར་ཁས་བླངས། ཚེ་དང་ལྡན་པ་ཀུན་དགའ་བོ་བདག་ཅག་ཉ་པའི་གྲོང་ནས་འདིར་འོངས་སོ། །བདག་ཅག་ཉ་པའི་གྲོང་དུ་དབྱར་གནས་པར་ཁས་བླངས་སོ། །ཚེ་དང་ལྡན་པ་དག་ཇི་ལྟར་ཉ་པའི་གྲོང་དུ་བདེ་བ་ལ་རེག་པར་དབྱར་གནས་
D3.006.0269a03.01པར་ཁས་བླངས་སམ། ཁྱེད་ཅག་བསོད་སྙོམས་ཀྱིས་ངལ་བར་མ་གྱུར་ཏམ། ཚེ་དང་ལྡན་པ་ཀུན་དགའ་བོ་བདག་ཅག་ཉ་པའི་གྲོང་དུ་ཏེ་པོར་བདེ་བ་ལ་རེག་པར་དབྱར་གནས་པར་ཁས་བླངས་ཏེ་བདག་ཅག་བསོད་སྙོམས་ཀྱིས་ཀྱང་ངལ་བར་མ་གྱུར་ཏོ། །ཚེ་དང་ལྡན་པ་དག་དེ་ཁོ་
D3.006.0269a04.01ན་ལྟར་སྣང་སྟེ། འདི་ལྟར་བསོད་སྙོམས་ཀྱིས་བྲེལ་བ་མེད་པས་ཚོ་བ་དང་། པགས་པ་དང་། ཤ་དང་། ཁྲག་རྒྱས་པར་གྱུར་ཏོ། །ཚེ་དང་ལྡན་པ་དག་ད་ལྟར་མུ་གེ་ཉམ་ང་བ་དགོན་པ་སློང་མོ་པས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་ལ་ཟས་སྦྱིན་
D3.006.0269a05.01པ་དང་བྱ་བར་སེམས་པ་དཀའ་ན་སློང་མོ་བ་ལྟ་སྨོས་ཀྱང་ཅི་དགོས་པ་བྱུང་ན། འདིར་ཚེ་དང་ལྡན་པ་ཁྱེད་ཅག་བསོད་སྙོམས་ཀྱིས་བྲེལ་བ་མེད་པར་གྱུར་པའི་རྒྱུ་ནི་གང་ཡིན། རྐྱེན་ནི་གང་ཡིན། ཚེ་དང་ལྡན་པ་ཀུན་དགའ་བོ་བདག་ཅག་གིས་ཉེ་དུ་རྣམས་ཀྱི་མདུན་དུ་གཅིག་
D3.006.0269a06.01གིས་གཅིག་གི་ཡང་དག་པའི་ཡོན་ཏན་བསྒྲག་པ་བྱས་ཏེ། དགེ་སློང་འདི་ནི་མི་རྟག་པའི་འདུ་ཤེས་དང་། མི་རྟག་པ་ལ་སྡུག་བསྔལ་བའི་འདུ་ཤེས་དང་། སྡུག་བསྔལ་བ་ལ་བདག་མེད་པའི་འདུ་ཤེས་དང་། ཟས་ལ་མི་མཐུན་པའི་འདུ་ཤེས་དང་། འཇིག་རྟེན་ཐམས་ཅད་
D3.006.0269a07.01