完整藏文原文 · 德格版页 当前仅加载第 6 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
བ་འདི་ནི་ཁོ་བོ་ཉིད་དབང་བ་ཡིན་གྱིས་བཞེས་ཤིག་དང་། སླར་འཕྲོག་ཏུ་མི་མཆིས་སོ། །ཉེ་{དགའས་,དགས་}ལ་བ་དེ་བླངས་ནས་ལ་བ་རྩུབ་པོ་གཞན་ཞིག་དེ་ལ་བྱིན་ནས་ཤེས་པ་ཅན་དེ་ལ་བ་རྩུབ་པོ་དེ་གྱོན་ནས་ཚངས་པ་མཚུངས་པར་སྤྱོད་པ་རྣམས་ཀྱི་གན་དུ་ཕྱིར་སོང་བ་དང་། དེ་དག་གིས་
D3.006.0151b01.01དེ་མཐོང་ནས་སྨྲས་པ། ཤེས་པ་ཅན་ཁྱོད་ཀྱིས་ཡང་མགོ་བསྒྱུར་དེ་ཉལ་བ་གང་ཞིག་ལས་ཐོབ། དེས་སྨྲས་པ། འདི་ནི་གློ་གཞན་ནས་གྲུབ་པ་ཡིན་ནོ། །ཇི་ལྟར་གྱུར། ཁོ་བོས་ལ་བ་དེ་བཙུན་པ་ཉེ་དགའ་ལ་བྱིན་ནས་དེས་ཀྱང་ཁོ་བོ་ལ་ལ་བ་འདི་བྱིན་ནོ། །དེ་དག་གིས་
D3.006.0151b02.01སྤྱོས་ཏེ་སྨྲས་པ། ཤེས་པ་ཅན་ཤཱཀྱའི་བུའི་དགེ་སྦྱོང་རྣམས་ནི་ཡུ་བུ་ཅག་གསོན་པས་ཀྱང་མི་དགའ་བ་ཡིན་ནོ། །དྲུག་སྡེ་དག་ཇི་ལྟ་བར་གཞན་དེ་ལྟ་མ་ཡིན་ལ། ཉེ་དགའ་ཇི་ལྟ་བར་དྲུག་སྡེ་གཞན་དེ་ལྟ་མ་ཡིན་ནོ། །གལ་ཏེ་ཁྱོད་ཀྱིས་དགེ་སློང་གནས་བརྟན་གཞན་འགའ་ཞིག་
D3.006.0151b03.01ལ་བྱིན་པར་གྱུར་ན་ཁོ་བོ་ཅག་ཀྱང་རྗེས་སུ་ཡི་རང་བར་བྱེད་ན་ཁྱོད་ཀྱིས་ཉེ་དགའ་ལ་བྱིན་ཏེ། དེ་ནི་བདག་ཅག་ལས་ཟོང་གིས་ཀྱང་ཁྲག་གི་ཕྱིས་བུ་ལེན་པར་འདོད་པ་ཡིན་གྱིས། གལ་ཏེ་ལ་བ་ཁྱེར་ཏེ་འོང་ན་དེ་ལྟ་ན་ལེགས། གལ་ཏེ་ཁྱེར་ཏེ་མི་འོང་ན་ཁོ་བོ་ཅག་གིས་ཁྱོད་ཚངས་པ་མཚུངས་
D3.006.0151b04.01པར་སྤྱོད་པའི་ནང་ནས་གནས་ནས་དབྱུང་བར་བྱ་ཞིང་། ཚུལ་ཤིང་ཡང་དབྱུང་བར་བྱ། སྤང་ལེབ་ཁྲིའུ་ཡང་བསྒྱུར་བར་བྱ། སློང་ཕོར་ཡང་ཁས་དབུབ་པར་བྱ། ཁར་བ་ཡང་དོར་བར་བྱའོ། །དེ་སྐྲག་ནས་ཉེ་དགའ་ག་ལ་བ་དེར་སོང་བ་དང་ཉེ་{དགའས་,དགས་}ཐག་རིང་པོ་ཁོ་ན་ནས་དེ་འོང་བ་མཐོང་ནས་
D3.006.0151b05.01དེས་བསམས་པ། ཤེས་པ་ཅན་འགྲོས་འདི་ལྟ་བུས་འོང་བ་འདི་ནི་བདག་གི་ལ་བ་འཕྲོག་པར་བྱེད་པ་ཡིན་ནོ་སྙམ་ནས་དེ་གཙུག་ལག་ཁང་གི་ནང་དུ་ཞུགས་ནས་སྒོ་བཅད་དེ་འདུག་གོ། །ཤེས་པ་ཅན་དེས་སྒོ་བརྡུང་བར་བརྩམས་ཏེ་བཙུན་པ་ཉེ་དགའ་བཙུན་པ་ཉེ་དགའ་ཞེས་བོས་པ་དང་ཉེ་དགའ་ཅང་མི་སྨྲ་
D3.006.0151b06.01བར་འདུག་གོ། །དགེ་སློང་རྣམས་ཀྱིས་དེ་ལ་སྨྲས་པ། ཤེས་པ་ཅན་ཁྱོད་ལ་བཙུན་པ་ཉེ་{དགའས་,དགས་}ཅི་བྱ། དེས་སྨྲས་པ། དེས་ཁོ་བོའི་ལ་བ་ཞིག་ཁྱེར་རོ། །ཤེས་པ་ཅན་གལ་ཏེ་ཁྱོད་ལ་བ་འདོད་ན་སོང་ལ་བཅོམ་ལྡན་འདས་ལ་སྐྱབས་སུ་སྒྲུབས་ཤིག །དེ་བཅོམ་ལྡན་འདས་ག་ལ་
D3.006.0151b07.01