完整藏文原文 · 德格版页 当前仅加载第 6 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་མ་ཉེ་དུ་ལ་ཡིད་གཉིས་ཟ་བས་གོས་ལེན་ན་ཉེས་བྱས་སུ་འགྱུར་རོ། །དགེ་འདུན་ལ་གོས་འབུལ་བ་དང་། ལེགས་པར་སྨྲ་བ་ལ་ལྟུང་བ་མེད་དོ། །རྫོགས་པར་བསྙེན་པ་བྱེད་པ་དང་བོར་རླག་བྱུང་བ་ལ་ལྟུང་བ་མེད་དོ། །རིན་གྱིས་ལེན་པ་དང་། བརྗེས་པ་ལ་ལྟུང་བ་མེད་དོ། །དགེ་
D3.006.0102b01.01སློང་མ་གྲགས་པ་བསོད་ནམས་ཆེ་བ་ཡིན་ལ། དེས་དགེ་སློང་གི་མདུན་དུ་བཞག་ནས་འདི་སྐད་ཅེས་འཕགས་པ་བདག་ལ་རྫས་འདི་ལྟ་བུ་དག་མཆིས་ཀྱིས། འཕགས་པས་བདག་ལ་ཐུགས་བརྩེ་བའི་སླད་དུ་བཞེས་ཤིག་ཅེས་བརྗོད་དེ་མི་ལྟོས་པར་སོང་བ་ལ་ལྟུང་བ་མེད་དོ། །ལས་དང་པོ་པ་
D3.006.0102b02.01དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལེན་པའི་སྤང་བ་སྟེ་ལྔ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་
D3.006.0102b03.01ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེས་ཆུང་མ་ལ་སྨྲས་པ། བཟང་མོ་ཁོ་བོ་ཟོང་ཐོགས་ཏེ་ཡུལ་གཞན་དུ་འགྲོའོ། །རྗེའི་སྲས་རེ་ཞིག་གཞོན་པའི་གནས་
D3.006.0102b04.01སྐབས་སུ་རོལ་པ་དང་། དགྱེས་པ་དང་། དགྱེས་མགུར་སྤྱོད་པ་མཛོད་ལ། བགྲེས་པའི་གནས་སྐབས་སུ་ནོར་སྒྲུབ་པར་མཛོད་ཅིག །བཟང་མོ་ཇི་ཙམ་དུ་གཞོན་པའི་འབྱུང་བ་ཆེན་པོ་དག་ནི་གྲང་བ་དང་། དྲོ་བ་བཟོད་པ་ཡིན་པས་ཇེ་ནོར་བསྒྲུབ་པར་བྱ་ཞིང་། རྒས་པའི་གནས་སྐབས་སུ་
D3.006.0102b05.01བདེ་བ་སྤྱད་ཅིང་འདུག་པར་བྱའོ། །ཆུང་མས་བསམས་པ། བདག་གིས་བསྐུལ་བར་བྱ་བ་གང་ཡིན་པ་དེ་རང་ཉིད་བྱེད་དོ་སྙམ་ནས་སྨྲས་པ། རྗེའི་སྲས་དེ་ལྟར་མཛོད་ཅིག །ཁྱིམ་བདག་དེས་ཆུང་མ་དེ་ལ་ཁ་ཟས་ཙམ་བྱིན་ནས་ཟོང་ཁྱེར་ཏེ་ཡུལ་གཞན་དུ་སོང་ངོ་། །དེའི་ཆུང་
D3.006.0102b06.01མ་དེས་བསམས་པ། བདག་གི་ཁྱིམ་ཐབ་གྲང་བ་ན་གྲང་བས་སྦྲེབས་བཞིན་པ་དང་། ཚ་བ་ན་ཚ་བས་གདུངས་བཞིན་པ་དང་། བཀྲེས་པ་དང་། སྐོམ་པས་གནོད་བཞིན་པ་དང་། ཤ་སྦྲང་དང་། སྦྲང་བུ་དང་། རླུང་དང་། ཉི་མ་དང་། སྡིག་སྦྲུལ་གྱི་རེག་པ་དག་གིས་ཉེན་
D3.006.0102b07.01