完整藏文原文 · 德格版页 当前仅加载第 6 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ན། །སྐྱེས་བུས་ཀུན་ཏུ་སྲོག་བསྲུང་བྱ། །བློ་ཡིས་གཉིས་ཀ་དཔྱད་བྱས་ན། །ཡུལ་ནི་ཡང་རྙེད་སྲོག་རྣམས་མིན། །སྙམ་ནས་དེ་དག་གིས་རལ་གྲི་མགུལ་དུ་བཏགས་ཏེ་རི་བྲག་ནས་བྱུང་བ་དང་། དེ་དག་གིས་དེ་དག་བཟུང་ནས་སྒྱུ་དཔྱ་དང་བཅས་ཏེ་མཉན་ཡོད་དུ་
D3.006.0193b01.01བདས་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གན་དུ་དོང་སྟེ་སྨྲས་པ། ལྷ་རི་བྲགས་པ་ནི་འདི་ལགས། སྒྱུ་དཔྱ་ནི་འདི་དག་ལགས་སོ། །རྒྱལ་པོ་དགའ་ནས་དེས་སྨྲས་པ། ཤེས་ལྡན་དག་སྒྱུ་དཔྱ་དག་ཁྱེད་ཅག་ཉིད་ཁྱེར་ཅིག །དེ་དག་གིས་བསམས་པ། བདག་
D3.006.0193b02.01ཅག་གསོན་ཞིང་ལྷགས་པ་གང་ཡིན་པ་དེ་ཐམས་ཅད་འཕགས་མ་ཆོས་བྱིན་གྱི་མཐུ་ཡིན་པས་བདག་ཅག་དོང་ལ་སྒྱུ་དཔྱ་འདི་དག་འཕགས་མ་ཆོས་བྱིན་ལ་དབུལ་ལོ་སྙམ་ནས་དེ་དག་གིས་དེ་དག་ཁྱེར་ཏེ་ཆོས་བྱིན་གྱི་གན་དུ་དོང་ནས་སྨྲས་པ། འཕགས་མ་བདག་ཅག་གསོན་
D3.006.0193b03.01ཞིང་ལྷགས་པ་དང་། བདག་ཅག་གི་དཔལ་དང་སྐལ་བ་བཟང་པོ་ཕུན་སུམ་ཚོགས་པ་གང་ལགས་པ་དེ་ཐམས་ཅད་འཕགས་མ་ཁོ་ནའི་མཐུ་ལགས་ཀྱིས། རྒྱལ་པོས་བདག་ཅག་ལ་སྒྱུ་དཔྱ་སྩལ་བ་འདི་དག་འཕགས་མས་ཐུགས་བརྩེ་བའི་སླད་དུ་བཞེས་སུ་གསོལ།
D3.006.0193b04.01དེས་སྨྲས་པ། བུ་དག་ལྷ་རྣམས་ཀྱི་ནང་དུ་ཡང་ལྷ་དབུལ་བ་ཡོད་ཀྱིས་སངས་རྒྱས་དང་། ཆོས་དང་། དགེ་འདུན་ལ་མཆོད་པ་གྱིས་ཤིག་དང་། དེས་ཁྱེད་ཅག་གི་ཡུན་རིང་པོའི་དོན་དང་། ཕན་པ་དང་། བདེ་བར་འགྱུར་རོ། །དེ་དག་གིས་བཅོམ་ལྡན་འདས་ཉན་ཐོས་ཀྱི་
D3.006.0193b05.01དགེ་འདུན་དང་བཅས་པ་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་སྤྱན་དྲངས་ནས་དེ་དག་སྔ་དྲོ་ནི་སངས་རྒྱས་དང་། ཆོས་དང་། དགེ་འདུན་ལ་མཆོད་པ་དག་བྱེད། ཕྱི་དྲོ་ནི་ཆོས་ཉན་པར་བྱེད་དོ།། །།འདུལ་བ་རྣམ་པར་འབྱེད་པ། བམ་པོ་སུམ་
D3.006.0193b06.01བཅུ་རྩ་དྲུག་པ། དུས་གཞན་ཞིག་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་རི་བྲགས་པ་གཞན་ཞིག་ལོག་ནས་རྒྱལ་པོས་རྒྱལ་རིགས་བཟང་པོ་པའི་ཁྲོམ་ལ་བསྒོ་བ། དེང་ལ་རི་བྲགས་པ་དེ་ཕོབ་ཤིག །དེ་དག་གིས་སྨྲས་པ། ལྷ་བདག་ཅག་ནི་རྒུད་པ་ལགས་ལ།
D3.006.0193b07.01