完整藏文原文 · 德格版页 当前仅加载第 6 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
རིག་པའི་སྐྱེས་པ་བཞག་སྟེ་ཅི་འདོད་པར་ཆོས་བསྟན་པར་བྱའོ། །བཅོམ་ལྡན་འདས་ཀྱིས་བུད་མེད་ཀྱི་ཡུལ་ལ་ཚིག་ལྔའམ་དྲུག་གིས་ཆོས་བསྟན་པར་བྱའོ་ཞེས་བཀའ་སྩལ་ནས། དྲུག་སྡེ་དག་ཚིག་ལྔས་ཆོས་སྟོན་པ་ན་བསམས་བཞིན་དུ་
D3.006.0258a01.01ཚིག་དྲུག་པ་ལ་འཇུག་པར་བྱེད་ཅིང་། ཚིག་དྲུག་གིས་ཆོས་སྟོན་པ་ན་ཡང་བསམས་བཞིན་དུ་ཚིག་བདུན་པ་ལ་འཇུག་པར་བྱེད་ནས་དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ཚིག་ལྔའམ་དྲུག་གིས་ཆོས་བསྟན་པར་བྱའོ་ཞེས་
D3.006.0258a02.01བཀའ་སྩལ་ན། ཁྱེད་ཅག་ཚིག་ལྔས་ཆོས་སྟོན་པ་ན་བསམས་བཞིན་དུ་ཚིག་དྲུག་པ་ལ་འཇུག་པར་བྱེད་ཅིང་། ཚིག་དྲུག་གིས་ཆོས་སྟོན་པ་ན་ཡང་བསམས་བཞིན་དུ་ཚིག་བདུན་པ་ལ་འཇུག་པར་བྱེད་དམ། དེ་དག་གིས་སྨྲས་པ། ཚེ་དང་ལྡན་པ་དག་གང་ལ་ཚིག་ལྔ་
D3.006.0258a03.01པ་རུང་བ་དེ་ལ་ཚིག་དྲུག་པ་ཡང་རུང་ལ། གང་ལ་ཚིག་དྲུག་པ་རུང་བ་དེ་ལ་ཚིག་བདུན་པ་ཡང་རུང་སྟེ། ཚིག་དྲུག་པ་དང་། བདུན་པས་ཀུན་དོང་ཟོས་སམ། ཆང་འཐུངས་སམ། ཇི་ན་དམིགས་ཀྱིས་དགག་པར་བྱ། དགེ་སློང་དོན་ཉུང་ངུ་དག་བཅོམ་ལྡན་འདས་
D3.006.0258a04.01ཀྱིས་བུད་མེད་ཀྱི་ཡུལ་ལ་ཚིག་ལྔའམ། དྲུག་གིས་ཆོས་བསྟན་པར་བྱའོ་ཞེས་བཀའ་སྩལ་ནས། ཅིའི་ཕྱིར་དགེ་སློང་དག་ཚིག་ལྔས་ཆོས་སྟོན་པ་ན་བསམས་བཞིན་དུ་ཚིག་དྲུག་པ་ལ་འཇུག་པར་བྱེད་ཅིང་། ཚིག་དྲུག་གིས་ཆོས་སྟོན་པ་ན་ཡང་བསམས་བཞིན་དུ་ཚིག་
D3.006.0258a05.01བདུན་པ་ལ་འཇུག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་དང་། སྐབས་འདི་ལ་དགེ་སློང་གི་དགེ་འདུན་
D3.006.0258a06.01བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ངས་
D3.006.0258a07.01