完整藏文原文 · 德格版页 当前仅加载第 6 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
སོང་སྟེ་འདི་སྐད་ཅེས་ཆེ་བའི་ཞལ་ནས་རས་ཡུག་ཆེན་ཐོགས་ཤིག་ཅེས་བྱུང་ངོ་། །ཞེས་ཟེར་མི་ནུས་སམ། གལ་ཏེ་མི་འཐག་གོ་ཞེས་ཟེར་ན་ཐོར་ཏོ་དག་ནས་བཟུང་སྟེ་ཁུག་ལ་ཁུ་ཚུར་གྱིས་གཏོགས་ཤིག་གལ་ཏེ་ངུ་ན་ཐགས་མི་མཐུན་པར་དྲིལ་ཅིག །གལ་ཏེ་
D3.006.0172a01.01དེའི་ཆུང་མ་ངུ་ན་ལན་བུ་ནས་བཟུང་སྟེ་དྲང་བར་བྱ་ཞིང་། ཁྱེད་གཉིས་ཀྱིས་ཆེ་བའི་མཆིད་བཅག་པས་ཁྱེད་གཉིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ཀཱར་ཥཱ་པ་ཎ་ལྔ་བརྒྱ་གཞལ་དགོས་པའི་གྱོད་ལ་བསྒྲིན་ནོ་ཞེས་བརྗོད་པར་བྱའོ། །དེ་ལྟ་ན་ཁོ་བོའི་རས་ཡུག་ཆེན་ཡང་འགྲུབ་
D3.006.0172a02.01པར་འགྱུར་ལ་ཁྱོད་ཀྱིས་ཀྱང་གསུག་མང་པོ་འཐོབ་པར་འགྱུར་རོ། །དེ་སོང་སྟེ་སྨྲས་པ། ཆེ་བའི་ཞལ་ནས་སྐོམ་ཟོང་སྦྱིན་གྱིས་རས་ཡུག་ཆེན་ཐོགས་ཤིག་ཅེས་བྱུང་ངོ་། །སྤྱི་ཅེར་གྱིས་སྨྲས་པ། ཁོ་བོ་སྐལ་བ་མ་ཡིན་པ་འཐག་མི་ནུས་སོ། །དེས་དེའི་ཐོར་ཏོ་དག་ནས་བཟུང་
D3.006.0172a03.01སྟེ་བཀུག་ནས་ཁུ་ཚུར་གྱིས་བཏགས་སོ། །དེས་ངུ་བར་བརྩམས་པ་དང་། དེས་དེའི་ཐགས་མི་མཐུན་པར་དྲིལ་བར་བརྩམས་སོ། །དེའི་ཆུང་མས་ངུ་བར་བརྩམས་པ་དང་། དེས་དེའི་ལན་བུ་ནས་བཟུང་སྟེ་དྲང་བར་བརྩམས་ཤིང་ཁྱེད་གཉིས་ཀྱིས་ཆེ་བའི་མཆིད་བཅག་པས་
D3.006.0172a04.01ཁྱེད་གཉིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ཀཱར་ཥཱ་པ་ཎ་ལྔ་བརྒྱ་གཞལ་དགོས་པའི་གྱོད་ལ་བསྒྲིན་པར་བྱས་ཚུར་ཤོག །རྒྱལ་པོའི་ཕོ་བྲང་དུ་འདོང་ངོ་ཞེས་དེས་དེ་གཉིས་ཁྲིད་དེ་འཕགས་པ་དང་། ཆུང་མས་སྤྱི་ཅེར་ལ་སྨྲས་པ། རྗེའི་སྲས་གལ་ཏེ་བདག་ཅག་གཉིས་
D3.006.0172a05.01བཙོན་རར་བཅུག་པར་གྱུར་ན་བདག་ཅག་གཉིས་ལ་ཐར་བར་བྱེད་པ་འགའ་ཡང་མེད་པས་བཙོན་རར་གནོད་པ་དག་གིས་འཆི་བར་བྱ་དགོས་ཀྱིས་རས་ཡུག་ཆེན་འདི་ཐོགས་ཤིག །སྤྱི་ཅེར་གྱིས་སྨྲས་པ། ཀྱེ་ནང་པོ་བདག་ཅག་རྒྱལ་པོའི་ཕོ་བྲང་དུ་མ་བཀྲི་བར་དོག་པ་ཞོག་ལ་བཞུད་
D3.006.0172a06.01ཅིག་དང་བདག་གིས་རས་ཡུག་ཆེན་ཡང་བཏག་ཅིང་ཁྱོད་ལ་ཡང་གསུག་མང་པོ་དབུལ་ལོ། །དེས་དོག་པ་བཞག་སྟེ་སོང་བ་དང་སྤྱི་ཅེར་གྱིས་ཆུང་མ་ལ་སྨྲས་པ། བཟང་མོ་རས་ཡུག་ཆེན་འདི་གང་གིས་དོག་པར་ཡང་མི་རུང་ལ་རས་ཡུག་ཆེན་དུའང་མི་རུང་བར་འགྱུར་བ་དེ་ལྟར་
D3.006.0172a07.01