完整藏文原文 · 德格版页 当前仅加载第 6 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
གན་དུ་སོང་བ་དང་། ཇི་ཙམ་ན་ཁྱིམ་བདག་ནི་མེད་ཁྱིམ་བདག་གི་ཆུང་མ་ནི་འདུག་ནས་ཐ་ག་པ་དེས་ཁྱིམ་བདག་གི་ཆུང་མ་དེ་ལ་སྨྲས་པ། སྲུ་རས་ཡུག་ཆེན་དེ་བཏག་པའི་དོག་པ་ཟད་ཀྱིས་དོག་པ་བྱིན་ཅིག །དེས་བྱིན་ཏེ་བཏང་ངོ་། །ཡང་འཐག་པ་ན་དོག་
D3.006.0176a01.01པ་ཟད་ནས་དེ་ཁྱིམ་བདག་དེའི་ཁྱིམ་དུ་སོང་བ་དང་། ཅི་ཙམ་ན་ཁྱིམ་བདག་དང་ཁྱིམ་བདག་གི་ཆུང་མ་གཉི་ག་འདུག་ནས་ཐ་ག་པ་དེས་ཁྱིམ་བདག་དེ་ལ་སྨྲས་པ། ཁྱིམ་བདག་ཡང་རས་ཡུག་ཆེན་དེ་བཏག་པའི་དོག་པ་ཟད་ཀྱིས་ཡང་དོག་པ་བྱིན་ཅིག །ཁྱིམ་བདག་གི་ཆུང་
D3.006.0176a02.01མས་སྨྲས་པ། ཀྱེ་ཐ་ག་པ་ཅི་རས་ཡུག་ཆེན་དེ་བསྐྱེད་དམ། ཁྱིམ་བདག་གིས་ཆུང་མ་ལ་སྨྲས་པ། བཟང་མོ་ཅི་ཁྱོད་ཀྱིས་ཀྱང་འདི་ལ་དོག་པ་བྱིན་ནམ། སྩལ་ཏོ། །ཁྱིམ་བདག་གིས་སྨྲས་པ། ཀྱེ་ཐ་ག་པ་ཅི་རས་ཡུག་ཆེན་དེ་བསྐྱེད་དམ། ཐ་ག་པས་སྨྲས་པ། ཁྱིམ་
D3.006.0176a03.01བདག་ཅི་དེང་བསྐྱེད་པར་བརྩམས་སྙམ་མམ། ཉི་མ་གང་ཁོ་ན་ལ་བཙུན་པ་ཉེ་དགའ་མཆིས་ནས་འདི་སྐད་ཅེས་སྲིད་དུ་འདི་ཙམ་གྱིས་སྲིངས་ཤིག །ཞེང་དུ་འདི་ཙམ་གྱིས་སྐྱེད་ཅིག་ཅེས་མཆི་བའི་ཉི་མ་དེ་ཁོ་ན་ལ་བསྐྱེད་པར་བརྩམས་སོ། །ཁྱིམ་བདག་གི་ཆུང་མས་བསམས་
D3.006.0176a04.01པ། རས་ཡུག་ཆེན་དེ་ཅི་འདྲ་ཇི་ལྟར་འགྲོ་འོ་སྙམ་ནས་དེ་དེར་སོང་བ་དང་། ཇི་ཙམ་ན་ཆེན་པོ་ལ་འོས་པའི་རས་ཡུག་ཆེན་མཐོང་ངོ་། །དེ་མཐོང་ནས་དེའི་མིག་ཁྲག་གིས་གང་སྟེ་སྨྲས་པ། ཁོ་མོས་རས་ཡུག་ཆེན་འདི་འཕགས་པ་ཉེ་དགའ་ལ་མི་བྱིན་ནོ། །ཁོ་མོས་དེའི་དོན་དུ་
D3.006.0176a05.01རས་ཡུག་ཆེན་གཞན་ཞིག་འཐག་ཏུ་གཞུག་གོ་ཞེས་ཟེར་ཏེ་སོང་ངོ་། །ཉེ་དགའ་དུས་དང་དུས་སུ་དེར་འོངས་ནས་སྨྲས་པ། ཀྱེ་ཐ་ག་པ་རུང་ངམ། འཕགས་པ་བདག་གི་ནི་རུང་ན་ཁྱོད་ཀྱི་ནི་མི་རུང་ངོ་། །ཀྱེ་ཐ་ག་པ་ཇི་ལྟར་གྱུར། དེས་སྨྲས་པ། ཁྱིམ་བདག་གི་ཆུང་
D3.006.0176a06.01མ་མཆིས་པར་གྱུར་ཏེ་དེས་རས་ཡུག་ཆེན་མཐོང་ནས་དེའི་མིག་ཁྲག་གིས་གང་སྟེ། ཁོ་མོས་འཕགས་པ་ཉེ་དགའ་ལ་རས་ཡུག་ཆེན་འདི་མི་སྦྱིན་ནོ། །ཁོ་མོས་དེའི་དོན་དུ་རས་ཡུག་ཆེན་གཞན་འཐག་ཏུ་གཞུག་གོ་ཞེས་མཆི་སྟེ་མཆིས་སོ། །ཀྱེ་ཐ་ག་པ་ཁྱོད་ལ་ཁོ་བོས་ཅུང་ཞིག་
D3.006.0176a07.01