完整藏文原文 · 德格版页 当前仅加载第 6 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
གཏོགས་པ་བདུད་རྩི་ཟས་ལ་སོགས་པ་ཤཱཀྱ་བདུན་ཁྲི་ལྔ་སྟོང་གིས་བདེན་པ་དག་མཐོང་བར་གྱུར་པ་དེ་ལྟར་ཆོས་བསྟན་པ་མཛད་དོ། །དེ་ན་སྲོག་ཆགས་སྟོང་ཕྲག་མང་པོ་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་
D3.006.0076b01.01བུ། ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཏེ་འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་རྣམ་པར་
D3.006.0076b02.01གཞག་པར་མཛད་དོ། །རྒྱལ་པོ་ཟས་གཙང་ནི་བདག་གི་བུ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ཡིན་ནོ་སྙམ་དུ་ཧ་ཅང་དགའ་བས་བདེན་པ་མ་མཐོང་ངོ་། །ལྷས་བྱིན་ནི་སྡིག་པ་འདོད་པ་དང་། ང་རྒྱལ་ལས་ཀྱང་ང་རྒྱལ་གྱིས་བདེན་པ་མ་མཐོང་ངོ་། །དེ་ནས་བཅོམ་
D3.006.0076b03.01ལྡན་འདས་འདི་སྙམ་དུ་དགོངས་ཏེ། ཅིའི་ཕྱིར་རྒྱལ་པོ་ཟས་གཙང་བདེན་པ་མཐོང་བར་མི་བྱེད་སྙམ་དུ་དགོངས་ན། རྒྱུ་གཉིས་ཀྱིས་བདེན་པ་མི་མཐོང་སྟེ། སེམས་ཧ་ཅང་མཐོ་བ་དང་། ཧ་ཅང་ཞུམ་པས་སོ། །དེ་ལྟར་རྒྱལ་པོ་ཟས་གཙང་གི་སེམས་གཞོན་ནུ་དོན་ཐམས་ཅད་
D3.006.0076b04.01གྲུབ་པ་སྔོན་ཅད་ལྷ་དང་མིས་མཆོད་པར་གྱུར་ན། ད་ནི་མིས་མཆོད་ཅིང་ལྷས་མཆོད་པར་མ་གྱུར་ཏོ་སྙམ་དུ་ཧ་ཅང་ཞུམ་པར་གྱུར་པར་ཐུགས་སུ་ཆུད་དོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བདག་གིས་རྒྱལ་པོ་ཟས་གཙང་གདུལ་བའི་ཕྱིར་ལྷའི་འཁོར་འབའ་ཞིག་
D3.006.0076b05.01ལ་ཆོས་བསྟན་པར་བྱའོ་སྙམ་དུ་དགོངས་ཤིང་རིག་ནས་འཇིག་རྟེན་པའི་ཐུགས་བསྐྱེད་པ་མཛད་དོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་ནི་གལ་ཏེ་འཇིག་རྟེན་པའི་ཐུགས་བསྐྱེད་པར་མཛད་ན་ནི་ཐ་ན་སྲོག་ཆགས་གྲོག་སྦུར་གྱིས་ཀྱང་བཅོམ་ལྡན་འདས་ཀྱི་ཐུགས་སེམས་
D3.006.0076b06.01ཀྱིས་ཤེས་ལ། ཇི་སྟེ་འཇིག་རྟེན་ལས་འདས་པའི་ཐུགས་བསྐྱེད་པར་མཛད་ན་ནི་རང་སངས་རྒྱས་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་མི་ཤེས་ན་ཉན་ཐོས་ལ་སོགས་པས་ལྟ་སྨོས་ཀྱང་ཅི་དགོས། དེ་ནས་ཚངས་པ་དང་། བརྒྱ་བྱིན་ལ་སོགས་པ་ལྷ་རྣམས་
D3.006.0076b07.01