完整藏文原文 · 德格版页 当前仅加载第 6 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐོས་ཀྱིས་རྒན་པའི་མཐའ་ལོགས་སུ་འདུག་སྟེ་སྨྲས་པ། ཚེ་དང་ལྡན་པ་དག་དགེ་འདུན་གྱི་གདུགས་གཅིག་ཁོ་ནའི་སྤྱི་བུངས་ཞིག་མཆིས་སོ། །དེ་དག་གིས་སྨྲས་པ། ཚེ་དང་ལྡན་པ་དག་གང་དག་བསླབ་པ་ཡང་དག་པར་མ་བླངས་པ་དེ་དག་ནི་
D3.006.0187a01.01བརྒྱད་སྟོན་དང་། བཅུ་བཞི་སྟོན་དང་། ཉ་སྟོན་བྱེད་ལ། བདག་ཅག་བསླབ་པ་ཡང་དག་པར་བླངས་པ་དག་དེ་མི་བྱེད་ཀྱིས་དེ་ཡང་བཟའོ་ཞེས་དེ་དག་གིས་དེ་ཡང་ཟོས་པ་དང་། དགེ་བསྐོས་ཀྱིས་ཡང་རྒན་པའི་མཐའ་ལོགས་སུ་འདུག་སྟེ་སྨྲས་པ། ཚེ་དང་ལྡན་པ་དག་ད་ནི་
D3.006.0187a02.01དགེ་འདུན་གྱི་ན་བའི་རྐྱེན་དང་ཡོ་བྱད་དག་གཅིག་མཆིས་སོ། །དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་ཇི་སྲིད་དུ་ཉེ་བར་ལེན་པའི་ཕུང་པོ་ལྔ་འཚོ་བ་དེ་སྲིད་དུ་བདག་ཅག་རྟག་ཏུ་ནད་པ་ཡིན་པས་ན་བའི་སྨན་དེ་ཡང་བཟའོ་ཞེས་དེ་དག་གིས་དེ་ཡང་ཟོས་ནས་དེ་དག་གིས་སྨྲས་པ།
D3.006.0187a03.01ཚེ་དང་ལྡན་པ་དག་ཁུར་ཡ་གཅིག་ན་འདུག་པར་དཀའ་བ་ཡིན་གྱིས་གོས་ཀྱི་རྙེད་པ་འདི་ཡང་བགོས་ལ། ཁུར་དོ་མཉམ་པས་བདེ་བར་འདོང་བར་བྱའོ་ཞེས་དེ་དག་གིས་དེ་ཡང་བགོས་པ་དང་། དགེ་བསྐོས་ཀྱིས་ཡང་རྒན་པའི་མཐའ་ལོགས་སུ་འདུག་སྟེ་སྨྲས་པ། ད་ནི་དགེ་འདུན་
D3.006.0187a04.01གྱི་གདུགས་གཅིག་ཁོ་ནའི་སྤྱི་བུ་ངས་ལས་མ་མཆིས་སོ། །དེ་དག་གིས་སྨྲས་པ། རྒན་ཞུགས་གཉིས་ཁྱེད་གཉིས་ན་རེ་དགེ་སློང་དྲུག་བཅུའི་ཟླ་བ་གསུམ་གྱི་བསོད་སྙོམས་ཡོད་དོ་ཞེས་ཟེར་ན་དབྱར་གྱི་ནང་དུ་ཟད་པར་གྱུར་ཏོ། །དེ་གཉིས་ཀྱིས་སྨྲས་པ། ཅི་དེ་དག་གིས་བཅའ་བ་
D3.006.0187a05.01རྣམ་པ་{བཅྭ་,བཅོ་}བརྒྱད་དང་། ཚོད་མ་སྣུམ་བག་ཅན་མང་པོ་སྣ་ཚོགས་དག་དང་། ལེགས་པར་སྦྱར་བའི་བཏུང་བ་ཤ་སྟག་རིམས་ཤིག་ཅེས་སྨྲས་སམ། དེ་དག་གིས་སྨྲས་པ། རྒན་ཞུགས་གཉིས་གཉའ་བ་སྨད་དེ་སྤྱོད་སྤྱོད་ལ་ད་སྨོད་པར་བྱེད་ཀྱིས་ཚེ་དང་ལྡན་པ་དག་འདི་གཉིས་
D3.006.0187a06.01གནས་ནས་དབྱུང་བའི་ལས་གྱིས་ཤིག །ཁ་ཅིག་གིས་སྨྲས་པ། རྒན་ཞུགས་གཉིས་མྱུར་དུ་བཟོད་པ་གསོལ་ཅིག །ཕྱིས་བཟོད་པ་གསོལ་ན་ལྟག་པའི་སྤུ་བྱི་བར་འགྱུར་རོ། །དེ་གཉིས་ཀྱིས་བཟོད་པ་གསོལ་བར་བརྩམས་པ་དང་། ཁ་ཅིག་གིས་སྨྲས་པ། ཚེ་དང་ལྡན་
D3.006.0187a07.01