完整藏文原文 · 德格版页 当前仅加载第 6 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དུ་སྤྱོད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དགེ་སློང་དག་སྔོན་
D3.006.0239b01.01བྱུང་བ་འདས་པའི་དུས་ན་ནགས་ཚལ་ཞིག་ན་སེང་གེ་མོ་སྦྲུམ་མ་ཞིག་འདུག་སྟེ། དེ་ལ་སེང་གེ་མོ་རྣམས་ཀྱི་ཀུན་དུ་སྤྱོད་པ་ནི་གང་གི་ཚེ་འབྲང་བའི་དུས་ལ་བབ་པ་དེའི་ཚེ་ན་ཤའི་ཚོགས་བྱས་ཏེ་འབྲང་བར་བྱེད་པས་སེང་གེ་མོ་དེ་བ་ལང་གི་ཚོགས་ཆེན་པོ་ཞིག་གི་ཕྱི་བཞིན་དུ་རྗེས་སུ་སོང་བ་དང་།
D3.006.0239b02.01བ་འབྲངས་ནས་རིང་པོ་མ་ལོན་པ་བེའུ་རྗེས་སུ་སྐྱོང་བར་བྱེད་པ་ཞིག་ཁྱུའི་ཕྱི་བཞིན་འབྲང་ཞིང་འགྲོ་བ་དེ་སེང་གེ་མོ་དེས་བསད་ནས་ཤ་ཁྱེར་ཏེ། རང་གི་ཚང་དུ་སོང་ངོ་། །བེའུ་དེ་ཡང་མའི་ནུ་མ་འཐུང་འདོད་པས་དེའི་ཕྱི་བཞིན་ཕྱི་བཞིན་དུ་སོང་བ་དང་སེང་གེ་མོས་བསམ་པ། བེའུ་འདི་ཡང་
D3.006.0239b03.01གསད་པར་བྱའོ་སྙམ་ནས་ཡང་བསམ་པ། གལ་ཏེ་བདག་གི་བུ་འབྲངས་པར་གྱུར་ན་འདི་དེའི་ཆུང་པོ་གྲོགས་སུ་འགྱུར་གྱིས་མི་གསད་དོ་སྙམ་མོ། །སེང་གེ་མོ་དེ་འབྲངས་ནས་དེ་ལས་ཕྲུག་གུ་ཕོ་ཞིག་བྱུང་བ་དང་། སེང་གེ་མོ་དེས་རང་གི་ཕྲུག་གུ་དང་། བེའུ་དེ་གཉིས་ཀ་ནུ་མ་བསྣུན་པར་
D3.006.0239b04.01བརྩམས་ནས་ཇི་ཙམ་དུས་གཞན་ཞིག་ན་དེ་གཉིས་ཀ་ཆེན་པོར་གྱུར་ཏེ། དུས་གཞན་ཞིག་ན་སེང་གེ་མོ་དེ་ན་བར་གྱུར་ནས་དེ་འཆི་བའི་དུས་ཀྱི་ཚེ་སྨྲས་པ། བུ་གཉིས་ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱིས།
D3.006.0239b05.01ཁོ་མོ་འདས་པའི་འོག་ཏུ་ཁྱེད་གཉིས་ཀྱིས་འགའ་ཡང་མཉན་པར་མི་བྱའོ་ཞེས་སྨྲས་ནས། བསགས་པ་ཀུན་གྱི་མཐའ་ཟད་ཅིང་། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་
D3.006.0239b06.01དུས་ཀྱི་ཆོས་དང་ལྡན་པར་གྱུར་ཏོ། །སེང་གེ་དེ་{རི་དགས་,རི་དྭགས་}དམ་པ་དམ་པ་དག་བསད་ནས་ཤ་དམ་པ་དམ་པ་དག་ཟ་ཞིང་ཁྲག་མང་པོ་དག་འཐུང་བས་ཆེན་པོར་གྱུར་ཏོ། །ཁྱུ་མཆོག་དེ་ཡང་སེང་གེས་བསྲུང་བའི་རྩྭ་བཟང་པོ་དག་ཟ་ཞིང་ཆུ་གཙང་མ་དག་འཐུང་བས་ཆེན་པོར་གྱུར་ཏོ། །{རི་དགས་,རི་དྭགས་}
D3.006.0239b07.01