完整藏文原文 · 德格版页 当前仅加载第 6 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
དུས་ཀྱི་ཆོས་དང་ལྡན་པར་གྱུར་ནས་དེ་ཉི་ཟླ་དང་། ཆོལ་ཟངས་པ་དང་། སྙིང་དུ་སྡུག་ཅིང་འབྲེལ་བའི་རྩ་ལག་གཞན་དག་གིས་དུར་ཁྲོད་དུ་ཁྱེར་ཏེ་བསྲེགས་ནས་དེའི་འོག་ཏུ་མྱ་ངན་བསང་བ་བྱས་ཏེ་འཁོད་དོ། །ཇི་ཙམ་དུས་གཞན་ཞིག་ན་ཉི་ཟླས་ཟན་གྱི་
D3.006.0031a01.01དུས་སུ་ཆོལ་ཟངས་པ་ཚུར་ཤོག་འདིར་ཟན་ཟོ་ཞིག་ཅེས་བོས་པ་དང་། དེ་ལ་མས་སྨྲས་པ། བུ་ཁྱོད་བྲན་མོའི་བུ་དང་ཇི་ལྟར་ལྷན་ཅིག་ཟན་ཟ་བར་བྱེད། མ་བདག་གིས་དུས་ཐམས་ཅད་དུ་ནུ་བོ་འདི་དང་ལྷན་ཅིག་ཟོས་ཤིང་འཐུངས་ན་ད་ཇི་ལྟར་བྲན་མོའི་བུ་ཞེས་བྱ། མས་
D3.006.0031a02.01སྨྲས་པ། བུ་ཁྱོད་ཀྱི་ཕ་གཏུམ་པར་གྱུར་པས་དེ་ལ་ཅུང་ཟད་སྨྲ་བར་སུས་ནུས་འདི་ནི་བྲན་མོའི་བུ་ཁོ་ན་ཡིན་ནོ། །ཆོལ་ཟངས་པས་ཐོས་ནས་དེ་མའི་གན་དུ་སོང་སྟེ་སྨྲས་པ། མ་བདག་བྲན་མོའི་བུ་ཡིན་པ་བདེན་ནམ། བུ་འཇིག་རྟེན་ནི་རང་གི་ལས་ཀྱི་འབྲས་བུ་ལ་སྤྱོད་
D3.006.0031a03.01པ་ཡིན་པས་སུ་ཞིག་སུའི་བྲན་ཡིན། བུ་ཡུལ་གཞན་དུ་སོང་ལ་ཐོས་པ་འཛིན་ཅིང་འདུག་ཤིག །དེ་ཡུལ་གཞན་དུ་སོང་ནས་དེ་ཡུལ་གཞན་དུ་རང་གི་མིང་ཆོལ་ཟངས་པ་ཞེས་བྱ་བ་བཏང་སྟེ། ཟླ་བ་ཞི་བ་ཞེས་བྱ་བར་བསྒྲགས་ནས་ཇི་ཙམ་ན་མཐར་གྱིས་མཉན་ཡོད་
D3.006.0031a04.01དུ་ཕྱིན་ནས། དེ་ན་བྲམ་ཟེ་མདུན་ན་འདོན་ཞིག་འདུག་ནས། དེ་གཅིག་ནས་གཅིག་ཏུ་དེའི་གན་དུ་སོང་སྟེ་ཆ་ལུགས་དུལ་བ་དང་སྤྱོད་ལམ་ཞི་བས་གུས་པར་སྨྲ་བ་བྱས་ཏེ་མཐའ་གཅིག་ཏུ་འདུག་གོ། །དེ་ནས་བྲམ་ཟེ་དེས་འོངས་པ་ལེགས་སོ་ཞེས་བྱ་བའི་ཚིག་ཀུན་དུ་
D3.006.0031a05.01བརྗོད་པས་རབ་ཏུ་དགའ་བར་བྱས་ཏེ་དྲིས་པ། ཀྱེ་བྲམ་ཟེའི་ཁྱེའུ་ཁྱོད་ག་ལས་འོངས། རྡོ་འཇོག་ནས་མཆིས་སོ། །ཁྱོད་ཀྱིས་རྡོ་འཇོག་ན་འཁོད་པའི་སྐྱེ་བོའི་ཚོགས་དག་ཤེས་སམ་འཚལ་ཏོ། །དེ་ན་བྲམ་ཟེ་ཟླ་གྲགས་དེའི་གཏམ་ཅི་གྲག །བྲམ་ཟེའི་ཁྱེའུ་དེས་
D3.006.0031a06.01ངུ་བར་བརྩམས་པ་དང་། དེས་སྨྲས་པ། བྲམ་ཟེའི་ཁྱེའུ་ཅིའི་ཕྱིར་ངུ་། དེ་བདག་གི་ཕ་ལགས་སོ། །འོ་ན་ཅིའི་ཕྱིར་ངུ་། དེ་གུམ་མོ། །བྲམ་ཟེའི་ཁྱེའུ་སྐྱེས་པས་ནི་གདོན་མི་ཟ་བར་འཆི་བར་བྱ་དགོས་ཀྱིས་ཁོ་བོ་ཁྱོད་ཀྱི་ཕའི་ཆུང་པོ་གྲོགས་ཡིན་གྱིས་བག་ཕོབ་
D3.006.0031a07.01