完整藏文原文 · 德格版页 当前仅加载第 6 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་ལྕག་མང་པོས་གཞུས་ཏེ་ཉི་མ་ལ་ཤིང་སྐམ་ལ་བཏགས་ཏེ་འཇོག་པར་བྱེད་དེས་སྨས་པ། ཁྱོད་གཉིས་ཀྱིས་ནུས་བཞིན་དུ་སྒྱུ་བྱས་ཏེ་ཁོ་བོ་ཀཱར་ཥཱ་པ་ཎ་ལྔ་བརྒྱའི་སྐུགས་འཇལ་དུ་བཅུག་གོ། །དེ་གཉིས་ཀྱིས་སྨྲས་པ། ཁྱོད་རང་གི་ལྕེས་སྐུགས་འཇལ་དུ་བཅུག་གོ། །
D3.006.0232a01.01ཇི་ལྟར་གྱུར། བདག་ཅག་གཉིས་ཀྱི་གཅིག་གི་མིང་ནི་དགའ་བྱེད་ཅེས་བྱ། གཅིག་གི་མིང་ནི་ས་རི་ཞེས་བྱ་ན། ཁྱོད་ཅིའི་ཕྱིར་ཁོ་བོ་ཅག་གཉིས་ལ་རུ་འདེལ་དང་། ཁུ་ཡུ་ཞེས་མིང་མི་སྙན་པར་རྗོད་པར་བྱེད། དེ་ལྟ་མོད་ཀྱི་ད་ལམ་ཆེས་དམའ་བ་ནས་ཤིང་རྟར་ཁལ་དེའི་ཉིས་གྱུར་
D3.006.0232a02.01ཞོག་སྟེ་ཀཱར་ཥཱ་པ་ཎ་དེའི་ཉིས་གྱུར་སྐུགས་སུ་ཚུགས་ལ་ཁོ་བོ་ཅག་གཉིས་དོས་ཤིག །ཅི་ཁྱེད་གཉིས་ཡང་ཁོ་བོ་སྐུགས་འཇལ་དུ་གཞུག་པར་འདོད་དམ། བདག་ཅག་གཉིས་ལ་མིང་མི་སྙན་པར་མ་བརྗོད་ཅིག་དང་ཁྱོད་སྐུགས་ནོད་དུ་གཞུག་གོ། །དུས་གཞན་ཞིག་ན་ཤིང་རྟ་སྤྱོད་པ་དེ་
D3.006.0232a03.01དག་ཡང་ཆང་གྲལ་དུ་ཚོགས་ཏེ་གཏམ་ཟེར་བ་ན་ཤེས་ལྡན་དག་བདག་ཅག་ལས་སུའི་གླང་དག་བཟང་ཞེས་སྨྲས་པ་དང་། དེ་ན་གཅིག་ན་རེ་ཁོ་བོའི་བཟང་ངོ་ཞེས་ཟེར་རོ། །ཡང་གཞན་ཞིག་ན་རེ་ཁོ་བོའི་བཟང་ངོ་ཞེས་ཟེར་རོ། །ཤིང་རྟ་སྤྱོད་པ་དེ་ན་རེ་ཡང་ཁོ་བོའི་བཟང་ངོ་ཞེས་ཟེར་རོ། །དེ་
D3.006.0232a04.01དག་གིས་སྨྲས་པ། ཀྱེ་ནང་རྗེ་ཁྱོད་ཡང་བདག་ཉིད་སྐུགས་འཇལ་དུ་གཞུག་པར་འདོད་དམ། དེས་སྨྲས་པ། ཁྱེད་ཅག་ལ་ཅི་གནོད་ད་ལམ་ཆེས་དམའ་བ་ནས་ཤིང་རྟར་ཁལ་དེའི་ཉིས་གྱུར་བཞག་སྟེ། ཀཱར་ཥཱ་པ་ཎ་སྟོང་སྐུགས་སུ་བཙུགས་ལ་གླང་དག་བདའ་བར་བྱའོ། །དེ་དག་གིས་ལམ་
D3.006.0232a05.01ཆེས་དམའ་བ་ནས་ཤིང་རྟར་ཁལ་དེའི་ཉིས་གྱུར་བཞག་སྟེ། ཀཱར་ཥཱ་པ་ཎ་སྟོང་སྐུགས་སུ་བཙུགས་ནས་གླང་དེ་གཉིས་དེད་དུ་བཅུག་གོ། །ཤིང་རྟ་སྤྱོད་པ་དེས་དགའ་བྱེད་སོང་ཤིག །ས་རི་སོང་ཤིག་ཅེས་བདའ་བར་བརྩམས་པ་དང་། དེ་གཉིས་ཀྱིས་ཁལ་དེ་མྱུར་བ་མྱུར་བ་ཁོ་ནར་ཐང་ལ་བསྐྱལ་ཏེ་
D3.006.0232a06.01ཤིང་རྟ་སྤྱོད་པ་དེས་སྐུགས་ཀཱར་ཤཱ་པ་ཎ་སྟོང་ཐོབ་པ་དང་། ལྷས་ཚིགས་སུ་བཅད་པ་དག་སྨྲས་པ། གང་ཚེ་ཁལ་ནི་ཆེས་ལྕི་ཞིང་། །གང་ཚེ་ལམ་ཡང་ཆེས་དམའ་བ། །དེ་ཚེ་དེ་གཉིས་ཁལ་ཁྱེར་ཞིང་། །དེ་ཚེ་ཤིང་རྟ་འདྲེན་པར་བྱེད། །ཡིད་དུ་འོང་བ་བརྗོད་བྱས་ན།
D3.006.0232a07.01