完整藏文原文 · 德格版页 当前仅加载第 6 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
ཝ་ཚོངས་ཅན་དུ་ཕྱིན་ནས་ཚེ་དང་ལྡན་པ་སྒྲ་ཅན་ཟིན་གྱིས་ཁྱིམ་བདག་དེས་གཙུག་ལག་ཁང་དེ་དགེ་འདུན་ལ་ཕུལ་ལོ་ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་
D3.006.0203b01.01གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་སྒྲ་ཅན་ཟིན་གྱིས་འདི་སྐད་ཅེས་གསོལ་ཏོ། །བཙུན་པ་འདི་ན་ཁྱིམ་བདག་ཅིག་གིས་རང་གི་དད་པ་དང་རང་གི་གཅུགས་པ་དང་། རང་གི་དང་བས་གཙུག་ལག་ཁང་བགྱིད་དུ་སྩལ་ནས་
D3.006.0203b02.01བདག་ལ་གང་ཟག་གིར་སྩལ་ཏེ། བདག་གཙུག་ལག་ཁང་དེར་ཅི་ཙམ་པ་དེ་ཙམ་མཆིས་ནས་ལྷུང་བཟེད་དང་། ཆོས་གོས་འཚལ་ཏེ་ལྗོངས་རྒྱུར་མཆིས་པ་དང་ཁྱིམ་བདག་དེས་འཕགས་པ་སྒྲ་ཅན་ཟིན་གཙུག་ལག་ཁང་དེར་ཅི་ཙམ་པ་དེ་ཙམ་མཆིས་ནས་ལྷུང་བཟེད་དང་།
D3.006.0203b03.01ཆོས་གོས་འཚལ་ཏེ། ལྗོངས་རྒྱུར་མཆིས་ཞེས་ཐོས་ཏེ་ཐོས་ནས་ཀྱང་ཁྱིམ་བདག་དེས་གཙུག་ལག་ཁང་དེ་དགེ་འདུན་ལ་ཕུལ་ན། བཙུན་པ་དེ་ལ་བདག་གིས་ད་ཇི་ལྟར་བགྱི། སྒྲ་ཅན་ཟིན་ཚུར་ཤོག །ཁྱོད་ཁྱིམ་བདག་དེ་ག་ལ་བ་དེར་སོང་ལ་ཕྱིན་ནས་ཁྱིམ་བདག་དེ་ལ་འདི་
D3.006.0203b04.01སྐད་ཅེས་ཁྱིམ་བདག་ཁྱོད་ཁོ་བོའི་ལུས་སམ། ངག་ལ་ཅུང་ཟད་སྨོད་པར་མི་བྱེད་དམ་ཞེས་སྨྲོས་ཤིག །ཚེ་དང་ལྡན་པ་སྒྲ་ཅན་ཟིན་གྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཁྱིམ་བདག་དེ་ག་ལ་བ་དེར་སོང་སྟེ་ཕྱིན་ནས་ཁྱིམ་བདག་དེ་ལ་འདི་
D3.006.0203b05.01སྐད་ཅེས་སྨྲས་སོ། །ཁྱིམ་བདག་ཁྱོད་ཁོ་བོའི་ལུས་སམ། ངག་ལ་ཅུང་ཟད་སྨོད་པར་མི་བྱེད་དམ། འཕགས་པ་སྒྲ་ཅན་ཟིན་བདག་ཁྱོད་ཀྱི་སྐུའམ། གསུང་ལ་ཅུང་ཟད་ཀྱང་སྨོད་པར་མི་བགྱིད་དོ། །དེ་ནས་ཚེ་དང་ལྡན་པ་སྒྲ་ཅན་ཟིན་བཅོམ་ལྡན་འདས་ག་ལ་བ་དེར་སོང་
D3.006.0203b06.01སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་སྒྲ་ཅན་ཟིན་གྱིས་འདི་སྐད་ཅེས་གསོལ་ཏོ། །བཙུན་པ་འདི་ན་བདག་ཁྱིམ་བདག་ག་ལ་བ་དེར་མཆིས་
D3.006.0203b07.01