完整藏文原文 · 德格版页 当前仅加载第 6 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་དང་། དེས་རྒོལ་བ་ཁ་ཅིག་ནི་ཚར་བཅད་དེ་རྒོལ་བའི་ཤིང་རྟ་ལ་སྦྱོར་བར་བྱེད། ཁ་ཅིག་མགོར་ཐལ་བའི་བུམ་པ་དག་གིས་བསྣུན། ཁ་ཅིག་ནི་འཕོང་གི་དཔོང་སར་ཁྭ་བཞིན་དུ་ཐག་རིང་པོ་ནས་ཡོངས་སུ་སྤོང་བར་བྱེད། ཁ་ཅིག་ནི་གདུགས་
D3.006.0222b01.01དང་། རྒྱལ་མཚན་དང་། བ་དན་དག་གིས་བསུ་བར་བྱེད། ཁ་ཅིག་ནི་སློབ་མ་ཉིད་དུ་ཁས་ལེན་པར་བྱེད་ཅིང་དེ་མཐར་གྱིས་གྲོང་དང་གྲོང་རྡལ་དང་། དབྱེ་ཚོངས་དང་། ཚོང་རྡལ་དག་ཏུ་རྒོལ་བ་འདུལ་ཞིང་མཉན་ཡོད་དུ་ཕྱིན་ཏོ།། །།
D3.006.0222b02.01འདུལ་བ་རྣམ་པར་འབྱེད་པ། བམ་པོ་སུམ་བཅུ་རྩ་བརྒྱད་པ། མཉན་ཡོད་ན་བྲམ་ཟེ་འཁོར་ཤིན་ཏུ་མང་བ་ཞིག་གིས། ལྷོ་ལམ་ནས་བྲམ་ཟེ་རྒོལ་བ་ཞིག་འོངས་ཞེས་ཐོས་སོ། །ཐོས་ནས་ཀྱང་དེས་རང་གི་འཁོར་རྣམས་ལ་སྨྲས་པ། ཤེས་ལྡན་དག་ཤེས་
D3.006.0222b03.01པར་གྱིས་ཤིག །ཁོ་བོས་ལྷོ་ལམ་ནས་བྲམ་ཟེ་རྒོལ་བ་ཞིག་མཉན་ཡོད་དུ་འོངས་ཞེས་ཐོས་ཀྱིས། དེ་གལ་ཏེ་རིག་པའི་གནས་ཆེ་གེ་མོ་ཞིག་ལ་གཏམ་འདྲེ་བར་བྱེད་ན། ཁྱོད་ཀྱིས་དེ་དང་ལྷན་ཅིག་གཏམ་འདྲེ་བར་བྱའོ། །རིག་པའི་གནས་ཆེ་གེ་མོ་ཞིག་ལ་
D3.006.0222b04.01གཏམ་འདྲེ་བར་བྱེད་ན་ནི། ཁྱོད་ཀྱིས་དེ་དང་ལྷན་ཅིག་གཏམ་འདྲེ་བར་བྱའོ། །གལ་ཏེ་རེ་ཞིག་ཚར་གཅད་པར་ནུས་ན་དེ་ལྟ་ན་ལེགས། གལ་ཏེ་ཚར་གཅད་པར་མ་ནུས་ན་ཤཱཀྱའི་བུའི་དགེ་སྦྱོང་རྣམས་ཀྱི་ནང་དུ་གཏང་བར་བྱའོ། །གལ་ཏེ་རེ་ཞིག་ཤཱཀྱའི་བུའི་
D3.006.0222b05.01དགེ་སྦྱོང་རྣམས་ཚར་ཆོད་ན། བྲམ་ཟེ་མཆོག་ཉིད་དུ་འགྱུར་ལ། གལ་ཏེ་ཤཱཀྱའི་བུའི་དགེ་སྦྱོང་རྣམས་ཀྱིས་ཚར་གཅད་པར་གྱུར་ན། དེ་ལྟ་ན་ཡང་ལྷོ་ལམ་ནས་རྒོལ་བ་ཞིག་འོངས་པ་དེ་མཉན་ཡོད་ནས་ཚར་བཅད་དོ་ཞེས་བདག་ཅག་ལ་ཕྱོགས་དང་ཕྱོགས་
D3.006.0222b06.01མཚམས་རྣམས་སུ་སྙན་པའི་སྒྲའི་ཚོགས་རྒྱ་ཆེན་པོ་དགེ་བ་མངོན་པར་འབྱུང་བར་འགྱུར་རོ། །ལྷོ་ལམ་ནས་འོངས་པའི་བྲམ་ཟེ་དེ་ནང་པར་སྔར་ལངས་ཏེ་གོས་ཀྱིས་གློ་དཀྲིས་ནས་རྩྭའི་སྒྲོན་མ་ཐོགས་ཏེ་མཉན་ཡོད་དུ་ཞུགས་པ་དང་། མཉན་ཡོད་པའི་བྲམ་ཟེའི་
D3.006.0222b07.01