完整藏文原文 · 德格版页 当前仅加载第 6 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་དབྱར་ཚུལ་མ་དང་། བླ་མཁྱེན་དྲང་སྲོང་བྱིན་དང་། རྙིང་པ་དང་། དགེ་བསྙེན་མ་ས་ག་དང་། {རི་དགས་,རི་དྭགས་}འཛིན་གྱི་མ་དང་། གཞན་ཡང་དད་པ་ཅན་མང་དུ་ཡོད་པས་དེར་ཟང་ཟིང་གི་ལོངས་སྤྱོད་དང་། ཆོས་ཀྱི་ལོངས་སྤྱོད་ཆེན་པོ་ཡང་འགྲུབ་པས་བདག་ཅག་དེ་ཉིད་དུ་འདོང་
D3.006.0197b01.01ངོ་། །འཕགས་པ་དག་ཆོས་ཀྱི་ལོངས་སྤྱོད་ནི་འཕགས་པ་དག་ཉིད་ལ་རག་ལས་པ་ལགས་ཀྱི། ཟང་ཟིང་གི་ལོངས་སྤྱོད་ནི་བདག་ལ་རག་ལས་པ་ལགས་པས་དགྱེས་པ་བསྐྱེད་ཅིག་དང་ཅུང་ཟད་ཀྱང་ཉམས་པར་མི་འགྱུར་རོ། །དགེ་འདུན་གྱི་གནས་བརྟན་གྱིས་སྨྲས་པ། ཚེ་དང་ལྡན་
D3.006.0197b02.01པ་དག་བཅོམ་ལྡན་འདས་ཀྱིས་དད་པ་ཅན་གྱི་དད་པ་སྤེལ་བར་བྱ་ཞིང་སྦྱིན་བདག་ལ་རྗེས་སུ་སྙིང་བརྩེ་བར་བྱའོ་ཞེས་གསུངས་པས། འདི་ཉིད་དུ་འཁོད་པར་བྱའོ་ཞེས་དེ་དག་དེར་འཁོད་ནས། བློ་བརྟན་པས་གཙུག་ལག་ཁང་དེའི་ཕྱི་ནང་བཅས་པར་སོ་སོར་བརྟག་པར་བརྩམས་
D3.006.0197b03.01པ་དང་། གཙུག་ལག་ཁང་དེ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཤིན་ཏུ་དགའ་བར་མཐོང་ནས། དགེ་འདུན་གྱི་གནས་བརྟན་གྱིས་སྨྲས་པ། ཚེ་དང་ལྡན་པ་དག་གཙུག་ལག་ཁང་འདི་མེ་ཏོག་ཕུན་སུམ་ཚོགས་པ། འབྲས་བུ་
D3.006.0197b04.01ཕུན་སུམ་ཚོགས་པ། ཤིན་ཏུ་དགའ་བ་ཡིན་པས་གལ་ཏེ་བདག་ཅག་གིས་འདིར་དབྱར་སྔ་མར་གནས་པར་ཁས་བླངས་ན་མེ་ཏོག་དང་འབྲས་བུ་ཐམས་ཅད་ཡོངས་སུ་ལོངས་སྤྱོད་པར་མི་འགྱུར་གྱིས། བདག་ཅག་གིས་ངེས་པར་དབྱར་ཕྱི་མར་གནས་པར་ཁས་བླང་བར་བྱའོ་
D3.006.0197b05.01ཞེས་དེ་དག་གིས་དེར་དབྱར་ཕྱི་མར་གནས་པར་ཁས་བླངས་སོ། །ཁྱིམ་བདག་དེ་ལ་གཙུག་ལག་ཁང་དེ་གཅིག་པུ་འབའ་ཞིག་ཡོད་པས་དེ་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་ཞིང་བྱེད་དོ། །རི་བྲགས་དེ་ན་ཡང་གཙུག་
D3.006.0197b06.01ལག་ཁང་གཞན་མེད་པས་རི་བྲགས་པ་དེ་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་པར་བྱེད་དོ། །རི་བྲགས་དེའི་ཉེན་ཀོར་ན་ཡང་གཙུག་ལག་ཁང་གཞན་མེད་པས་རི་བྲགས་ཀྱི་ཉེན་ཀོར་པ་དེ་དག་ཀྱང་སྦྱིན་པ་དང་བྱ་
D3.006.0197b07.01