完整藏文原文 · 德格版页 当前仅加载第 6 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་པོ་པ་ཞེས་བགྱི་བ་སླད་བཞིན་མཆི་བ་ལགས་སོ། །རྒྱལ་པོས་སྨྲས་པ། ཤེས་ལྡན་དག་ཅི་འདི་དག་དབང་ཐང་མཉམ་པར་མི་སྦྱིན་ནམ། དེ་དག་གིས་སྨྲས་པ། ལྷ་དབང་ཐང་མཉམ་པར་སྩོལ་ཏོ། །དེ་དག་བོས་ཤིག །དེ་དག་བོས་པ་དང་རྒྱལ་པོས་དེ་དག་ལ་སྨྲས་པ།
D3.006.0192b01.01ཤེས་ལྡན་དག་ཁྱེད་ཅག་དབང་ཐང་མཉམ་པར་མི་སྦྱིན་ནམ། ལྷ་མཉམ་པར་སྩོལ་ཏོ། །འོ་ན་ཅིའི་ཕྱིར་རལ་གྲིའི་མཐུ་ཅན་གྱི་ཁྲོམ་འདི་དག་ནི་འབྱོར་པ་དང་། པགས་པ་དང་། ཤ་དང་། ཁྲག་རྒྱས་པར་གྱུར་ལ། རྒྱལ་རིགས་བཟང་པོའི་ཁྲོམ་ཁྱེད་ནི་རྒུད་པ་དང་། ཉམ་ཆུང་བ་
D3.006.0192b02.01དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར། ལྷ་གལ་ཏེ་བདག་ཅག་ཀྱང་གཞུ་གཞུ་རྒྱུད་མ་མཆིས་པ་དང་། མདའ་མདེའུ་མ་མཆིས་པ་དང་། ཞུགས་ཤིང་གི་རལ་གྲི་དག་ཐོགས་ཤིང་མཚོན་ཆ་དག་བཙོངས་ཤིང་བཙོངས་ཤིང་འཚལ་བར་འགྱུར་ན། བདག་
D3.006.0192b03.01ཅག་ཀྱང་འབྱོར་པ་དང་། པགས་པ་དང་། ཤ་དང་། ཁྲག་རྒྱས་པར་འགྱུར་རོ། །གཞན་ཡང་འདི་དག་གི་གླང་པོ་ཆེ་དག་དང་། རྟ་དག་ནི་ཡོངས་སུ་མ་སྤྱད་ལ། བདག་ཅག་གི་རྟ་དང་། གླང་པོ་ཆེ་དག་ནི་ཡོངས་སུ་སྤྱད་དོ། །རྒྱལ་པོས་དེ་དག་ལ་སྨྲས་པ། ཤེས་ལྡན་
D3.006.0192b04.01དག་ཁྱེད་དེ་ལྟར་གྱུར་པ་བདེན་ནམ། ལྷ་མད་དོ། །ཅི་ཁྱེད་ཅག་ད་དེར་ཁྲིད་ལ་རི་བྲགས་སུ་བསད་པར་འདོད་དམ། དེ་དག་གིས་སྨྲས་པ། ལྷ་ཅི་ལགས་མཚོན་ཆས་གཡུལ་སྤྲོད་དམ། མིས་གཡུལ་སྤྲོད། རྒྱལ་པོས་སྤྱོས་ཏེ་སྨྲས་པ། །གལ་ཏེ་མཚོན་ཆས་གཡུལ་མི་སྤྲོད་
D3.006.0192b05.01ན་ཁྱེད་ཅག་ཉིད་དེང་ལ་རི་བྲགས་པ་དེ་ཕོབ་ཤིག་ཅེས་སྨྲས་ཏེ་རྒྱལ་པོ་དེ་ཉིད་ནས་ཕྱིར་ལོག་གོ། །རལ་གྲིའི་མཐུ་ཅན་གྱི་ཁྲོམ་དེ་དག་ཆོས་བྱིན་གྱི་གན་དུ་སོང་སྟེ་སྨྲས་པ། འཕགས་མ་བདག་ཅག་རྒྱལ་པོས་དམག་གི་གནས་སུ་བསྐོས་ན་བདག་ཅག་གིས་ཇི་ལྟར་བསྒྲུབ་པར་བགྱི།
D3.006.0192b06.01ཆོས་བྱིན་གྱིས་སྨྲས་པ། དེང་ཤིག་དང་། ཁྱེད་ཅག་དེར་དོང་བ་རྣམས་ལ་ཉེས་དམིགས་འགའ་ཡང་འབྱུང་བར་མི་འགྱུར་རོ། །འདི་ལྟར་གང་དང་གང་དུ་འབྲང་འདེབས་པ་དེ་དང་དེར་རྒྱུད་ཆགས་གསུམ་པ་ལྟོས་ཤིག །ཉི་མ་གང་ལ་རི་བྲགས་སྐོར་བར་བྱེད་པའི་ཉི་མ་དེ་
D3.006.0192b07.01