完整藏文原文 · 德格版页 当前仅加载第 6 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང་། ཞོ་དང་ཞུན་མར་དང་། མར་གྱི་སྙིང་ཁུ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་
D3.006.0091a01.01དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ། །དེ་ནས་གཞོན་ནུ་ཆུ་སྐྱེས་འདི་སྙམ་དུ་སེམས་ཏེ། བདག་གང་ནས་ཤི་འཕོས་ཏེ་འདིར་སྐྱེས་སྙམ་ན། སེམས་ཅན་དམྱལ་བ་དག་ནས་ཤི་འཕོས་ཏེ་འདིར་སྐྱེས་
D3.006.0091a02.01པར་ཤེས་སོ། །ལས་ཅི་བྱས་ན་དེས་སེམས་ཅན་དམྱལ་བ་རྣམས་སུ་སྐྱེས་སྙམ་ན། ལོ་དྲུག་བཅུར་རྒྱལ་ཚབ་ཀྱི་རྒྱལ་སྲིད་དུ་བཅུག་པས་དེ་དག་ཏུ་སྐྱེས་པར་ཤེས་སོ། །ད་ལྟར་གང་དུ་སྐྱེས་སྙམ་ན་མི་རྣམས་ཀྱི་ནང་དུ་རྒྱལ་པོའི་རིགས་སུ་སྐྱེས་པར་ཤེས་ནས། དེ་
D3.006.0091a03.01འདི་སྙམ་དུ་སེམས་ཏེ། བདག་ཡང་རྒྱལ་སྲིད་བྱེད་དུ་བཅུག་ན་ཡང་སེམས་ཅན་དམྱལ་བ་རྣམས་སུ་འགྲོ་བར་འགྱུར་ན་མ་ལེགས་ཀྱིས། བདག་གིས་སྒྱུ་ཐབས་ཅུང་ཞིག་བྱའོ་སྙམ་ནས། དེས་བདག་ཉིད་འཕྱེ་བོ་ཉིད་དུ་བསྟན་ཏེ་འདུག་གོ། །གང་གི་ཉིན་མོ་གཞོན་
D3.006.0091a04.01ནུ་ཆུ་སྐྱེས་བཙས་པ་དེ་ཉིད་ཀྱི་ཉིན་མོ་བློན་པོ་ལྔ་བརྒྱ་དག་གི་བུ་དག་ཀྱང་བཙས་ཏེ་དེ་དག་ཀྱང་རང་རང་གི་རིགས་དང་མཐུན་པའི་མིང་དག་བཏགས་པར་གྱུར་ཏོ། །བློན་པོ་དེ་དག་གིས་ཀུན་དུ་སྤྱོད་པ་ནི་ཉི་མ་རེ་རེ་ཞིང་རྒྱལ་པོ་ཚངས་བྱིན་དང་། གཞོན་ནུ་ཆུ་སྐྱེས་ལྟར་འོང་ངོ་། །
D3.006.0091a05.01དེ་ནས་དུས་གཞན་ཞིག་ན་གཞོན་ནུ་ལྔ་བརྒྱ་པོ་དེ་དག་མཆོངས་པ་དང་། དཀྱུས་མོ་བྱེད་ནུས་པར་གྱུར་ཏོ། །དེ་ནས་རྒྱལ་པོ་ཚངས་བྱིན་འདི་སྙམ་དུ་སེམས་ཏེ། གལ་ཏེ་ངའི་བུ་གཞོན་ནུ་ཆུ་སྐྱེས་ཀྱང་འཕྱེ་བོར་མ་གྱུར་དུ་ཟིན་ན། དེ་ཡང་དེ་ཙམ་མཆོངས་པ་དང་།
D3.006.0091a06.01དཀྱུས་མོ་བྱེད་ནུས་པར་འགྱུར་གྱིས། འདི་ལྟར་བདག་གི་དེ་འཕྱེ་བོ་ཡིན་ཡང་བླས་རྒྱལ་སྲིད་ཀྱི་དབང་ཕྱུག་ལ་གཞག་པར་བྱའོ་སྙམ་མོ། །དེ་ནས་གཞོན་ནུ་ཆུ་སྐྱེས་ཀྱིས་དེ་ཐོས་ནས་འདི་སྙམ་དུ་སེམས་ཏེ། རྒྱལ་པོ་འདི་ནི་གཅུགས་མེད་པར་གནོད་པ་བྱེད་པ་ཡིན་གྱིས་
D3.006.0091a07.01