完整藏文原文 · 德格版页 当前仅加载第 6 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཤིང་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་
D3.006.0236a01.01པས་རང་གི་བཟོ་འདི་ལྟ་སྟེ། ཁྲི་དག་དང་། ཁྲིའུ་དག་དང་། ཨན་དག་དང་། ཨན་ཁྲིའུ་དག་དང་། སྒོ་གླེགས་དག་དང་། ཤིང་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །
D3.006.0236a02.01དགེ་སློང་གིས་མིའི་སྐྱོན་ནས་སྨྲ་བའི་བསམ་པས་སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་སྨྱིག་མ་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ།
D3.006.0236a03.01སྐོན་བུ་དག་དང་། སྤྲོག་མ་དག་དང་། གདུགས་དག་དང་། བསིལ་ཡབ་དག་དང་། དུད་གཟེབ་དག་དང་། སྨྱིག་མ་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་
D3.006.0236a04.01གིས་མིའི་སྐྱོན་ནས་སྨྲ་བའི་བསམ་པས་བྲན་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་སྟེ། སྐུ་མཉེ་དང་། དྲིལ་ཕྱི་དང་།
D3.006.0236a05.01ཁྲུས་དང་། ཕོ་ཉར་འགྲོ་བ་དང་། མངག་པ་དང་། བྲན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ།། །།འདུལ་བ་རྣམ་པར་འབྱེད་པ། བམ་པོ་སུམ་བཅུ་རྩ་དགུ་པ། དགེ་སློང་
D3.006.0236a06.01གིས་མིའི་སྐྱོན་ནས་སྨྲ་བའི་བསམ་པས་བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲམ་ཟེ་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་ལས་འདི་ལྟ་སྟེ། བྲམ་ཟེའི་སྤྱོད་
D3.006.0236a07.01