完整藏文原文 · 德格版页 当前仅加载第 6 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
མ་དེས་དུས་དེ་སྲིད་ཀྱིས་དོག་པ་བཀལ་ནས་དེ་གཞན་དག་གི་གན་དུ་སོང་སྟེ་ཐམས་ཅད་འདུས་ནས་དོག་པ་དེ་ཉེ་དགའ་ལ་ཕུལ་ལོ། །ཉེ་{དགའས་,དགས་}དེ་དག་ལ་ཨ་རོག་གྱ། སྦྱིན་པ་འདིས་ཁྱེད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་
D3.006.0170b01.01གྱི་མཆོག་ཐོབ་པ་དང་། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་ཅེས་སྨྲས་ཏེ་སོང་ངོ་། །དེ་ནས་ཉེ་{དགའས་,དགས་}དོག་པ་དེ་ཁྱེར་ཏེ་གཙུག་ལག་ཁང་དུ་སོང་ནས་དེས་དགེ་སློང་རྣམས་ལ་དོག་པ་དེ་བསྟན་ཏེ་སྨྲས་པ། ཚེ་དང་ལྡན་པ་དག་ཁོ་བོའི་དོག་པ་འདི་ཅི་འདྲ་ལྟོས།
D3.006.0170b02.01གནས་བརྟན་དོག་པ་བཟང་ངོ་། །གནས་བརྟན་གྱིས་གང་རས་ཡུག་ཆེན་འཐག་པར་འགྱུར་བའི་ཐ་ག་པ་འགའ་བཙལ་བ་མཆིས་སམ། ཚེ་དང་ལྡན་པ་དག་ཅི་ཁྱེད་ཀྱིས་ཉེ་དགའ་ཟིལ་གྱིས་གནོན་ཏམ། གལ་ཏེ་ཉེ་དགའ་རབ་ཏུ་མ་བྱུང་དུ་ཟིན་ན་ཉེ་དགའ་རང་ཉིད་འཐག་པར་འགྱུར་
D3.006.0170b03.01རོ། །གནས་བརྟན་བདག་ཅག་གིས་གནས་བརྟན་གལ་ཟིལ་གྱིས་གནོན། འདི་ལྟར་ར་བ་ག་གེ་མོའི་དྲུང་ན་ཐ་ག་པ་སྤྱི་ཅེར་ཁྱོ་ཤུག་མཆིས་ཏེ། གལ་ཏེ་དེས་དོག་པ་འདི་རྙེད་དུ་ལགས་ན་ཆེན་པོ་ལ་འོས་པའི་རས་ཡུག་ཆེན་འགྲུབ་པར་འགྱུར་རོ། །བུ་དག་ཨ་རོག་གྱ་དེ་དོན་གྱིས་ན་
D3.006.0170b04.01ཁྱེད་ཀྱིས་ཁོ་བོའི་རས་ཡུག་ཆེན་འཐག་ཏུ་བཅུག་གོ་ཞེས་དེས་དོག་པ་དེ་ཁྱེར་ཏེ་ཐ་ག་པ་དེའི་ཁྱིམ་དུ་སོང་བ་དང་། དེས་ཐ་ག་པ་དེ་ཐག་རིང་པོ་ཁོ་ན་ནས་མཐོང་ནས་ཚིགས་སུ་བཅད་པ་སྨྲས་པ། མཁས་པ་རིང་ནས་རབ་སྣང་བ། །གངས་དང་ལྡན་པའི་རི་བོ་བཞིན། །མི་མཁས་
D3.006.0170b05.01རབ་ཏུ་མི་སྣང་བ། །མུན་པའི་ནང་དུ་མདའ་འཕངས་བཞིན། །བཞིན་{བཟངས་,བཟང་}ཁྱོད་ཀྱི་གྲགས་པས་མཉན་ཡོད་ཐམས་ཅད་གང་བར་གྱུར་པ་ནི་ཁྱེད་ཀྱིས་རྙེད་པ་ལེགས་པར་རྙེད་པ་ཡིན་ནོ། །དོག་པ་འདི་ཅི་འདྲ་ཇེ་ལྟོས་ཤིག །འཕགས་པ་དོག་པ་བཟང་ངོ་། །དོག་པ་ནི་འདི་
D3.006.0170b06.01ལགས་ལ་ཐ་ག་པ་ནི་བདག་ལགས་ན་ཆེན་པོ་ལ་འོས་པའི་རས་ཡུག་ཆེན་དུ་འགྱུར་རོ། །བཞིན་{བཟངས་,བཟང་}འདི་ཡང་ཐོགས་ཤིག །འཕགས་པ་བདག་ལ་ཐགས་གླ་སུས་སྩལ་བར་འགྱུར། བཞིན་{བཟངས་,བཟང་}ཁྱོད་རྟག་པ་ཉིད་དུ་ཐགས་གླས་མི་ངོམས་སམ། འཇིག་རྟེན་ཕ་རོལ་
D3.006.0170b07.01