完整藏文原文 · 德格版页 当前仅加载第 6 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
བགྱི། །ཡབ་ཀྱིས་བདག་ནི་རབ་འབྱུང་བར། །རྗེས་སུ་གནང་བ་མཛད་དུ་གསོལ། །རྒྱལ་པོས་སྨྲས་པ། བུ་དྲང་སྲོང་དག་གང་གི་ཕྱིར་དཀའ་ཐུབ་ཀྱིས་གདུང་བ་དང་། སྦྱིན་སྲེག་དང་། མཆོད་སྦྱིན་བྱེད་པ་ནི་རྒྱལ་སྲིད་ཀྱི་ཕྱིར་ཡིན་ན། ཁྱོད་ཅིའི་ཕྱིར་ལག་མཐིལ་ན་
D3.006.0093b01.01འདུག་པ་སྤངས་ཏེ་རབ་ཏུ་འབྱུང་བར་བྱེད། དེ་ནས་གཞོན་ནུ་ལྐུགས་འཕྱེས་དེའི་ཚེ་ཚིགས་སུ་བཅད་པ་སྨྲས་པ། ཁོན་གཅུགས་འཐབ་རྩོད་བགྱིད་པ་ཡིས། །འདོད་ལ་སྤྱོད་པ་བདག་མི་འཚལ། །ཁོན་གཅུགས་འཐབ་རྩོད་འཇིགས་བགྱིད་པའི། །ཚངས་སྤྱོད་བདག་གིས་སྤྱད་
D3.006.0093b02.01པར་བགྱི། །ཀིམ་པའི་འབྲས་བུ་འདྲ་བ་ཡི། །འདོད་པ་སྤྱོད་པར་བདག་མི་འཚལ། །འབྲས་བུ་བདུད་རྩིའི་རོ་བདའ་བའི། །ཚངས་སྤྱོད་བདག་གིས་སྤྱད་པར་བགྱི། །རྒྱལ་པོས་སྨྲས་པ། བདེ་བ་གང་དང་གང་དག་ཉམས་སུ་མྱོང་བར་འགྱུར་བ་དེ་དག་ཐམས་ཅད་ནི་རྒྱལ་པོ་
D3.006.0093b03.01ཉིད་ཡིན་ན། ཁྱོད་ཅིའི་ཕྱིར་རྒྱལ་སྲིད་སྤངས་ཏེ་རབ་ཏུ་འབྱུང་བར་བྱེད། དེ་ནས་གཞོན་ནུ་ལྐུགས་འཕྱེས་དེའི་ཚེ་ཚིགས་སུ་བཅད་པ་སྨྲས་པ། གང་ལས་སྡུག་བསྔལ་སྐྱེ་འགྱུར་བའི། །བདེ་བ་དེ་ལ་བདེར་མི་སེམས། །གང་ལས་བདེ་བ་སྐྱེ་འགྱུར་བའི། །སྡུག་བསྔལ་དེ་ལ་བདེ་
D3.006.0093b04.01བར་སེམས། །ཡབ་ཀྱིས་བདག་ནི་དཀའ་ཐུབ་ཀྱི། །ནགས་སུ་མཆི་བ་གནང་བར་མཛོད། །རྒྱལ་པོས་སྨྲས་པ། བུ་འདི་ནི་ཡང་ཏོག་གི་སྟེང་བདུག་སྤོས་དང་། ཕྱེ་མ་འཁྲིགས་པར་མེ་ཏོག་སྣ་ཚོགས་བཀྲམ་ཞིང་གནས་མལ་འཇམ་པོ་ལེགས་པར་བཤམས་པ་དག་ཏུ་
D3.006.0093b05.01གང་ནས་ཀྱང་འཇིགས་པ་མེད་པར་ཉལ་བར་བྱ་ཞིང་། སིལ་སྙན་གྱི་སྒྲ་སྙན་པ་དག་གིས་སད་པར་བྱ་བ་དང་། གོས་འཇམ་པོ་བགོ་བར་བྱ་བ་དང་། ཞིམ་པོ་བཟའ་བར་བྱ་བ་དང་། ཞིམ་པོ་བཏུང་བར་བྱ་བ་ཡིན་ན་དགོན་པར་རབ་ཏུ་བྱུང་བས་རྟག་ཏུ་ཤིང་དྲུང་དུ་རྩྭ་བཏིང་
D3.006.0093b06.01བའམ། ལོ་མ་བཏིང་བ་ལ་བྲེད་ངས་ཀྱིས་འཇིགས་པ་དང་བཅས་པའི་སེམས་ཀྱིས་{རི་དགས་,རི་དྭགས་}གདུག་པ་དག་དང་ལྷན་ཅིག་ཉལ་བར་བྱ་བ་དང་། ཝའི་སྐད་ཀྱིས་སད་པར་བྱ་བ་དང་། གཡང་གཞི་དང་ཤིང་ཤུན་བགོ་བར་བྱ་བ་དང་། རྩ་བ་དང་འབྲས་བུ་དག་བཟའ་བར་
D3.006.0093b07.01