完整藏文原文 · 德格版页 当前仅加载第 6 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་ཐུག་པོ་ཆེ་འབྲུ་གཅིག་གམ། མོན་སྲན་སྡེའུ་འབྲུ་གཅིག་གམ། མོན་སྲན་གྲེའུ་འབྲུ་གཅིག་གམ། རྒྱ་ཤུག་གི་འབྲུ་གཅིག་གམ། རྒྱ་སྲན་འབྲུ་གཅིག་གིས་འཚོ་བར་མཛད་དོ་ཞེས་བཅོམ་ལྡན་འདས་བྱང་ཆུབ་སེམས་དཔའི་བཀའ་མཆིད་ཁྱེར་ཏེ་འོང་
D3.006.0066a01.01ངོ་། །ཉི་འོག་གི་ཁམས་ཀྱི་རྒྱལ་པོ་དག་གིས་དེ་ལྟར་གཞོན་ནུ་དོན་ཐམས་ཅད་གྲུབ་པ་རྒན་པོ་དང་། ནད་པ་དང་། ཤི་བ་གཟིགས་ནས་ཐུགས་བྱུང་སྟེ་རབ་ཏུ་བྱུང་ངོ་ཞེས་ཐོས་ནས་དེ་དག་འདི་སྙམ་དུ་སེམས་ཏེ། གང་གི་ཕྱིར་བདག་ཅག་རྒྱལ་པོ་ཟས་གཙང་ལ་སྟེན་པར་བྱེད་པའི་གཞོན་
D3.006.0066a02.01ནུ་དེ་རབ་ཏུ་བྱུང་ངོ་སྙམ་ནས། དེ་དག་ལས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་མ་གཏོགས་པ་གཞན་ཐམས་ཅད་ཀྱིས་འདུད་པ་དང་། ཕོ་ཉ་དང་དཀོར་སྒྲོམ་འབུལ་བ་རྒྱུན་བཅད་པར་གྱུར་ཏོ། །དེའི་ཚེ་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་བློན་པོའི་མཆོག་སྦེད་པ་ཞེས་བྱ་
D3.006.0066a03.01བ་ཞིག་ཡོད་ལ། རྒྱལ་པོ་ཟས་གཙང་ལ་ནི་མདུན་ན་འདོན་གྱི་བུ་འཆར་ཀ་ཞེས་བྱ་བ་ཡོད་དེ། གང་གི་ཚེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་རྒྱལ་པོ་ཟས་གཙང་གི་གན་དུ་ཕོ་ཉ་གཏོང་བར་བྱེད་པ་དེའི་ཚེ་ན་བློན་པོའི་མཆོག་སྦེད་པ་གཏོང་བར་བྱེད་དེ། དེས་རྒྱལ་པོའི་བྱ་བ་དག་
D3.006.0066a04.01དང་། རྒྱལ་པོའི་བྱེད་པ་དག་བྱས་ནས་འཆར་ཀའི་ཁྱིམ་དུ་འཇུག་པར་བྱེད་དོ། །གང་གི་ཚེ་རྒྱལ་པོ་ཟས་གཙང་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གན་དུ་ཕོ་ཉ་གཏོང་བར་བྱེད་པ་དེའི་ཚེ་ན་ནི་མདུན་ན་འདོན་གྱི་བུ་འཆར་ཀ་གཏོང་བར་བྱེད་དེ། དེས་ཀྱང་རྒྱལ་པོའི་བྱ་བ་དག་
D3.006.0066a05.01དང་། རྒྱལ་པོའི་བྱེད་པ་དག་བྱས་ནས་བློན་པོའི་མཆོག་སྦེད་པའི་ཁྱིམ་དུ་འཇུག་པར་བྱེད་དོ། །སྦེད་པ་ལ་ཆུང་མ་སྦེད་མ་ཞེས་བྱ་བ་གཟུགས་བཟང་བ། བལྟ་ན་སྡུག་པ། མཛེས་པ། སྐྱེས་བུ་དགའ་བ་ཞིག་ཡོད་དེ། འཆར་ཀ་སྦེད་མ་དང་ལྷན་ཅིག་ཁ་དུམ་པར་གྱུར་ཏོ། །
D3.006.0066a06.01སྦེད་པས་ཇི་ལྟར་འཆར་ཀ་སྦེད་མ་དང་ལྷན་ཅིག་ཁ་དུམ་པར་གྱུར་པར་ཤེས་ནས་དེས་བསམས་པ། འདི་གསད་པར་བྱའོ་སྙམ་མོ། །ཡང་བསམས་པ། གལ་ཏེ་འདི་བསད་པར་གྱུར་ན་ཡུལ་འཁོར་གཉིས་འཁྲུག་པ་ཆེན་པོར་འགྱུར་བས་བདག་གིས་བུད་མེད་ཀྱི་ལུས་ཀྱི་
D3.006.0066a07.01