完整藏文原文 · 德格版页 当前仅加载第 6 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་ཅིང་། བཙོན་ཐམས་ཅད་ཐར་བར་བྱས་སོ། །ཡང་བཙུན་མོ་ཚངས་ལྡན་ལ་འདོད་པ་འདི་ལྟ་བུ་འདི་སྐྱེས་ཏེ་ཀྱེ་མ་བདག་ལྷ་དང་ལྷན་ཅིག་སྐྱེད་མོས་ཚལ་དང་། དཀའ་ཐུབ་ཀྱི་ནགས་སུ་རྩེ་བ་དང་། དགའ་བ་དང་། དགའ་མགུར་སྤྱོད་པར་གྱུར་ཅིག་སྙམ་མོ། །
D3.006.0090b01.01དེ་ནས་རྒྱལ་པོ་ཚངས་བྱིན་གྱི་བཙུན་མོ་ཚངས་ལྡན་ལ་འདོད་པ་རྣམ་པ་དེ་ལྟ་བུ་དེ་སྐྱེས་པར་ཐོས་ནས། བཙུན་མོ་ཚངས་ལྡན་དང་ལྷན་ཅིག་སྐྱེད་མོས་ཚལ་དང་། དཀའ་ཐུབ་ཀྱི་ནགས་སུ་ཞུགས་ཏེ། རྩེ་བ་དང་། དགའ་བ་དང་། དགའ་མགུར་སྤྱོད་པ་དག་བྱས་
D3.006.0090b02.01སོ། །ཡང་བཙུན་མོ་ཚངས་ལྡན་ལ་འདོད་པའི་རྣམ་པ་འདི་ལྟ་བུ་འདི་སྐྱེས་ཏེ། ཀྱེ་མ་བདག་ལྷ་དང་ཐབས་ཅིག་ཆུར་འཇུག་པའི་གྲུར་ཞུགས་ཏེ། རྫིང་བུ་ཚངས་ལྡན་དུ་རྩེ་བ་དང་། དགའ་བ་དང་། དགའ་མགུར་སྤྱོད་པར་གྱུར་ཅིག་སྙམ་མོ། །དེ་ནས་རྒྱལ་
D3.006.0090b03.01པོ་ཚངས་བྱིན་གྱིས་བཙུན་མོ་ཚངས་ལྡན་ལ་འདོད་པའི་རྣམ་པ་དེ་ལྟ་བུ་དེ་བྱུང་བར་ཐོས་ནས། བཙུན་མོ་ཚངས་ལྡན་དང་ལྷན་ཅིག་ཆུར་འཇུག་པའི་གྲུ་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ཏ་དང་། པད་མ་དཀར་པོས་བཀང་བར་ཞུགས་ཏེ་རྫིང་བུ་ཚངས་
D3.006.0090b04.01ལྡན་དུ་རྩེ་བ་དང་། དགའ་བ་དང་། དགའ་མགུར་སྤྱོད་པ་བྱས་སོ། །དེ་གྲུ་དེ་ཉིད་དུ་བཙས་པ་ལས་ཁྱེའུ་ཚེ་རབས་དྲན་པ། གཟུགས་བཟང་བ། བལྟ་ན་སྡུག་པ། མཛེས་པ། གསལ་བ། གསེར་གྱི་མདོག་འདྲ་བ། མགོ་གདུགས་ལྟ་བུ་དང་ལྡན་པ།
D3.006.0090b05.01ལག་པ་རིང་བ། འཕྲལ་བའི་དབྱེས་ཆེ་བ། སྨིན་མ་འཇར་བ་སྣའི་གཟངས་མཐོ་བ་ཞིག་བྱུང་ངོ་། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་
D3.006.0090b06.01པར་བྱེད་དོ། །དེ་དག་འདི་སྙམ་དུ་སེམས་ཏེ། གང་གི་ཕྱིར་ཁྱེའུ་འདི་ཆུའི་ནང་དུ་བཙས་པ་དེའི་ཕྱིར་ཁྱེའུའི་མིང་ཆུ་སྐྱེས་ཞེས་བྱའོ་ཞེས་དེའི་མིང་ཆུ་སྐྱེས་ཞེས་བྱ་བར་བཏགས་སོ། །གཞོན་ནུ་ཆུ་སྐྱེས་མ་མ་བརྒྱད་པོ་པང་ན་འཚོ་བའི་མ་མ་གཉིས་དང་། ནུ་མ་སྣུན་
D3.006.0090b07.01