完整藏文原文 · 德格版页 当前仅加载第 6 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཐོབ་ན་ལྟུང་བ་མེད་དོ། །དེ་ལྟར་རིན་ཐང་ལས་སོ། །ཇི་ལྟར་ཁ་དོག་ལས་ཞེ་ན། དགེ་སློང་གིས་གོས་སྔོན་པོ་སློང་བར་བྱེད་ཅིང་དེས་གོས་སྔོན་པོ་ཐོབ་ན་དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །སྔོན་པོ་ཇི་ལྟ་བ་དེ་
D3.006.0107a01.01བཞིན་དུ་སེར་པོ་དང་། དམར་པོ་དང་། གོས་སྟུག་པོ་དང་། སྲབ་མོ་སློང་བར་བྱེད་ཅིང་། དེས་སྲབ་མོ་ཐོབ་ན་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གོས་སྔོན་པོ་སློང་བར་བྱེད་པ་ན་སེར་པོ་ཐོབ་ན། སྔོན་པོ་སློང་བ་དེ་ལ་ཉེས་བྱས་སུ་
D3.006.0107a02.01འགྱུར་ལ། སེར་པོ་ཐོབ་པ་ལ་ལྟུང་བ་མེད་དོ། །སྔོན་པོ་སློང་བ་ལ་ཇི་ལྟ་བ་དེ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་སློང་བ་ན་སྟུག་པོ་ཐོབ་ན། སྲབ་མོ་སློང་བ་དེ་ལ་ཉེས་བྱས་སུ་འགྱུར་ལ། གོང་མ་ཐོབ་པ་ལ་ལྟུང་བ་མེད་དེ། དེ་ལྟར་ཁ་དོག་ལས་
D3.006.0107a03.01སོ། །ཇི་ལྟར་ཁྲུ་ཚད་ལས་ཞེ་ན། དགེ་སློང་གིས་གོས་ཁྲུ་ལྔ་པ་སློང་བར་བྱེད་ཅིང་། དེས་གོས་ཁྲུ་ལྔ་པ་ཐོབ་ན། དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །ཁྲུ་ལྔ་པ་ཇི་ལྟ་བ་དེ་བཞིན་དུ་ཁྲུ་བཅུ་པ་དང་། ཁྲུ་{བཅྭ་,བཅོ་}ལྔ་པ་དང་། ཁྲུ་
D3.006.0107a04.01ཉི་ཤུ་པ་དང་། ཁྲུ་ལྔ་བཅུ་པའི་བར་གྱི་གོས་སློང་བར་བྱེད་ཅིང་། གོས་ཁྲུ་ལྔ་བཅུ་པ་ཐོབ་ན། དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གོས་ཁྲུ་ལྔ་པ་སློང་བ་ན་ལྷག་པ་ཐོབ་ན། ཁྲུ་ལྔ་པ་སློང་བ་དེ་ལ་ཉེས་བྱས་སུ་
D3.006.0107a05.01འགྱུར་ལ། ལྷག་པ་ཐོབ་པ་ལ་ལྟུང་བ་མེད་དོ། །ཁྲུ་ལྔ་པ་ཇི་ལྟ་བ་དེ་བཞིན་དུ་ཁྲུ་བཅུ་པ་དང་། ཁྲུ་{བཅྭ་,བཅོ་}ལྔ་པ་དང་། ཁྲུ་ཉི་ཤུ་པ་དང་། ཁྲུ་ལྔ་བཅུ་པའི་བར་གྱི་གོས་སློང་བར་བྱེད་ཅིང་། དེས་གོས་ཁྲུ་ལྔ་བཅུ་པ་སློང་བར་བྱེད་པ་ན་ལྷག་པ་ཐོབ་ན་གོས་ཁྲུ་ལྔ་བཅུ་པ་སློང་བར་བྱེད་པ་
D3.006.0107a06.01དེ་ལ་ཉེས་བྱས་སུ་འགྱུར་ལ། ལྷག་པ་ཐོབ་པ་ལ་ལྟུང་བ་མེད་དེ། དེ་ལྟར་ཁྲུ་ཚད་ལས་སོ། །རས་མ་སློང་བ་ན་ཁ་ཚར་ཐོབ་པ་དང་། ཁ་ཚར་སློང་བ་ན་རས་མ་ཐོབ་པ་དང་། རས་མ་སློང་བ་ན་རས་ཡུག་ཆེན་དང་། རས་ཡུག་ཕྲན་ཐོབ་པ་ལ་ལྟུང་བ་མེད་དོ། །ལས་དང་པོ་པ་
D3.006.0107a07.01