完整藏文原文 · 德格版页 当前仅加载第 6 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་འཇིག་རྟེན་དུ་བྱུང་བ་དེའི་ཚེ་ན་ཐམས་ཅད་དུ་ཡུལ་དབུས་སུ་སངས་རྒྱས་བཅོམ་ལྡན་འདས་བྱུང་ངོ་ཞེས་སྒྲ་གྲགས་ཏེ། དེའི་ཉན་ཐོས་རྣམས་འབར་བ་དང་། གསལ་བ་དང་། ཆར་འབབ་པ་དང་། གློག་འབྱིན་པའི་ཆོ་འཕྲུལ་དག་བྱེད་པས་གང་དག་དེ་ལ་མཆོད་
D3.006.0150a01.01པ་དག་བྱེད་པ་དེ་དག་ནི་ཤིན་ཏུ་འབྲས་བུ་ཆེ་བ་དང་། ཕན་ཡོན་ཆེ་བ་དང་། གསལ་བ་ཆེ་བ་དང་། རྒྱས་པ་ཆེ་བར་འགྱུར་རོ་ཞེས་བྱང་ལམ་པའི་ཚོང་པ་དག་གིས་ཐོས་ནས་དེ་དག་གིས་སྨྲས་པ། ཤེས་ལྡན་དག་ཡུལ་དབུས་སུ་འདོང་ངོ་། །དེར་ཁེ་སྤོགས་མང་པོ་ཡང་བསྒྲུབ་
D3.006.0150a02.01པར་བྱ། སངས་རྒྱས་དང་། ཆོས་དང་དགེ་འདུན་དག་ལ་མཆོད་པ་བྱའོ་ཞེས་བྱང་ལམ་པའི་ཚོང་པ་དེ་དག་ཟོང་ཐོགས་ཏེ། ཡུལ་དབུས་སུ་འཕགས་ནས་མཐར་གྱིས་མཉན་ཡོད་དུ་ཕྱིན་ཏོ། །མཉན་ཡོད་ན་ཤེས་པ་ཅན་རྩིས་མཁས་པ་ཞིག་འདུག་པ་དེས་བྱང་ལམ་ནས་ཚོང་པ་
D3.006.0150a03.01དོན་མཐུན་འོངས་ཞེས་ཐོས་ནས་དེས་བསམས་པ། སོང་སྟེ་ཇེ་བལྟས་ན་དེར་ཅུང་ཟད་འཐོབ་པོ་སྙམ་ནས། དེས་ཅུང་ཟད་དམིགས་པས་ཀྱང་ཤེས། ཅུང་ཟད་རྟོག་གེས་ཀྱང་ཤེས་ནས་དེ་སོང་སྟེ། དེད་དཔོན་ལ་མིང་དང་རུས་ནས་བརྗོད་ཅིང་མིང་འདི་ཞེས་བྱ་བ་འོངས་པ་ལེགས་
D3.006.0150a04.01སོ་འོངས་པ་ལེགས་སོ། །ཁྱོད་ཀྱི་མ་ནི་མིང་འདི་ཞེས་བྱ། ཁྱོད་ཀྱི་ཕ་ནི་མིང་འདི་ཞེས་བྱ། ཁྱོད་ཀྱི་རྫས་ནི་འདི་སྙེད་ཅིག་འོངས་སོ། །ཉི་མ་ག་གེ་མོ་ཞིག་ལ་ནི་ཁལ་འཇིག་པར་འགྱུར་རོ། །ཁེ་སྤོགས་ནི་འདི་སྙེད་ཅིག་འགྲུབ་པར་འགྱུར་རོ་ཞེས་སྨྲས་པ་དང་དེད་དཔོན་དེས་
D3.006.0150a05.01བསམས་པ། བཅོམ་ལྡན་འདས་ཀྱི་ཉན་ཐོས་གང་དག་འབར་བ་དང་། གསལ་བ་དང་། ཆར་འབབ་པ་དང་། གློག་འབྱིན་པའི་ཆོ་འཕྲུལ་དག་བྱེད་ཅེས་གྲག་པ་དེ་དག་ལས་འགའ་ཞིག་འདི་ཡིན་གོར་མ་ཆག་སྙམ་ནས་དེས་དེ་ལ་དད་པས་བྱང་ལམ་གྱི་ནགས་ཀྱི་འབྲས་བུས་སློང་
D3.006.0150a06.01ཕོར་བཀང་སྟེ་བྱིན་ནས་ལ་བ་སྲིན་བུའི་མདོག་ལྟ་བུ་ཅིག་ཀྱང་བསྐོན་ནོ། །ཤེས་པ་ཅན་དེས་བླངས་ཤིང་གྱོན་ཏེ་ཚངས་པ་མཚུངས་པར་སྤྱོད་པ་རྣམས་ཀྱི་གན་དུ་སོང་བ་དང་། དེ་དག་གིས་དེ་མཐོང་ནས་སྨྲས་པ། ཤེས་པ་ཅན་ཁྱོད་ཀྱིས་མགོ་བཟློག་སྟེ་ཉལ་བ་གང་ཞིག་ལས་ཐོབ་དེས་
D3.006.0150a07.01