完整藏文原文 · 德格版页 当前仅加载第 6 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
མཁོ་བ་བསྟབས་པས་གལ་ཏེ་ཁྱོད་སྤྱོད་ཡུལ་དུ་འགྲོ་བར་གྱུར་ན། ཁོ་མོས་ཀྱང་ཁྱོད་ཀྱི་ཕྲུག་གུ་ལ་མཁོ་བ་བསྟབས་པར་བྱའོ། །དེ་གཉིས་ལྷན་ཅིག་འཁོད་པར་བརྩམས་ནས་དེ་གཉིས་ཀྱིས་སེང་གེའི་ཕྲུག་གུའི་མིང་ནི་མཆེ་བཟང་ཞེས་བྱ་བར་བཏགས། སྟག་ཕྲུག་གི་མིང་ནི་
D3.006.0241b01.01དཔུང་བཟང་ཞེས་བྱ་བར་བཏགས་ནས་དེ་གཉིས་དུས་གཞན་ཞིག་ན་ཆེན་པོར་གྱུར་ཏོ། །དུས་གཞན་ཞིག་ན་སེང་གེ་མོ་དང་། སྟག་མོ་གཉིས་ན་བར་གྱུར་ནས་དེ་གཉིས་འཆི་བའི་དུས་ཀྱི་ཚེ་བུ་གཉིས་ལ་སྨྲས་པ། བུ་གཉིས་ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ་ཕྲ་མ་
D3.006.0241b02.01ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱིས། ཁོ་མོ་ཅག་གཉིས་འདས་པའི་འོག་ཏུ་ཁྱོད་གཉིས་ཀྱིས་འགའ་ཡང་མཉན་པར་མི་བྱའོ་ཞེས་སྨྲས་ནས། བསགས་པ་ཀུན་གྱི་མཐའ་ཟད་ཅིང་། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་
D3.006.0241b03.01འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དུས་ཀྱི་ཆོས་དང་ལྡན་པར་གྱུར་ཏོ། །སེང་གེས་ནི་{རི་དགས་,རི་དྭགས་}དམ་པ་དམ་པ་དག་བསད་ནས་ཤ་དམ་པ་དག་ཟ་བར་བྱེད། ཁྲག་དམ་པ་དག་འཐུང་བར་བྱེད་ཅིང་། དེ་ཤ་དམ་པ་དག་ཟོས་ཤིང་ཁྲག་
D3.006.0241b04.01དམ་པ་དག་འཐུངས་ནས་མྱུར་བ་མྱུར་བ་ཁོ་ནར་ཚང་དུ་འགྲོ་བར་བྱེད་དོ། །སྟག་གིས་སྤྱོད་ཡུལ་དུ་སོང་ནས་ཚེགས་ཆེན་པོས་{རི་དགས་,རི་དྭགས་}དག་བསད་དེ་ཤ་དང་ཁྲག་ཟོས་ཤིང་འཐུངས་ནས་ཡུན་རིང་པོས་ཕྱིར་འོང་ངོ་། །དུས་གཞན་ཞིག་ན་སྟག་གིས་ལྷག་རོལ་དག་སྦས་ནས་དེས་དེ་ཟོས་
D3.006.0241b05.01ཏེ་མྱུར་དུ་ཕྱིར་འོངས་པ་དང་། སེང་གེས་སྟག་ལ་སྨྲས་པ། ཁྱོད་སྔོན་ཆད་ནི་ཡུན་རིང་ཞིག་གིས་ཕྱིར་འོངས་ན་དེང་མྱུར་དུ་ཕྱིར་འོངས་པ་འདི་ལ་རྒྱུ་ཅི་ཡོད། སྟག་གིས་སྨྲས་པ། ཁོ་བོས་ལྷག་རོལ་སྦས་པར་གྱུར་པ་དེ་ཟོས་ཏེ་ཕྱིར་འོངས་སོ། །སེང་གེས་སྨྲས་པ། ཁྱོད་ལྷག་
D3.006.0241b06.01རོལ་སྦེད་དམ། སྟག་གིས་སྨྲས་པ་སྦེད་དོ། །སེང་གེས་སྨྲས་པ། ཁོ་བོ་ནི་{རི་དགས་,རི་དྭགས་}དམ་པ་དམ་པ་དག་བསད་ནས་ཤ་དམ་པ་དག་ཟོས་ཤིང་ཁྲག་དམ་པ་དག་འཐུངས་ནས་ལྟོས་པ་མེད་པར་འགྲོའོ། །སྟག་གིས་སྨྲས་པ། ཁྱོད་ནི་སྟོབས་དང་ལྡན་པ་ཡིན་གྱིས། ཁོ་བོས་ནི་
D3.006.0241b07.01