完整藏文原文 · 德格版页 当前仅加载第 6 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གྲུ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཤིང་རྟ་ཉེན་ཀོར་གཅིག་པ་གང་
D3.006.0056a01.01ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་ཤིང་རྟ་གང་ཡིན་པའོ། །དེའི་ཉེན་ཀོར་གང་ཞེ་ན། འགྲོ་བའི་ནི་ནང་ཐམས་ཅད་དང་། ཕྱི་རོལ་འདོམ་གང་ངོ་། །འདུག་པའི་ནི་ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་ཕུར་པ་འདེབས་པར་བྱེད་
D3.006.0056a02.01པ་དང་། གླང་དག་འདོགས་པར་བྱེད་པ་དང་། རྩྭ་དག་འཇོག་པར་བྱེད་པ་དང་། མུན་ཛ་དག་རྡུང་བར་བྱེད་པ་དང་། ཐག་པ་དག་འཁལ་བར་བྱེད་པ་དང་། གང་དུ་རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་
D3.006.0056a03.01དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །
D3.006.0056a04.01ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཤིང་རྟ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཤིང་རྟ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་
D3.006.0056a05.01ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཁ་ལོ་པའི་གནས་སོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཁ་ལོ་པའི་གནས་སུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཁ་ལོ་པའི་གནས་སུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་
D3.006.0056a06.01མེད་དོ། །ནང་ངམ་ཁ་ལོ་པའི་གནས་སུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཤིང་རྟ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་ཤིང་རྟ་རབ་ཏུ་མང་པོ་གང་
D3.006.0056a07.01