完整藏文原文 · 德格版页 当前仅加载第 6 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ལྡོག་པའི་སེམས་མ་བསྐྱེད་པ་དང་། སངས་རྒྱས་ཀྱིས་གདུལ་བར་བྱ་བ་ཐམས་ཅད་མ་བཏུལ་བ་དང་། ཇི་སྲིད་དུ་སྐུ་ཚེའི་ཆ་ལྔ་པ་མ་ལུས་པ་དང་། ཇི་སྲིད་དུ་མཚམས་བཅད་པ་མ་མཛད་པ་དང་། ཇི་སྲིད་དུ་ཉན་ཐོས་ཟུང་གཅིག་མཆོག་ཏུ་མ་བསྟན་པ་དང་། ཇི་
D3.006.0071b01.01སྲིད་དུ་གྲོང་ཁྱེར་ཀུན་འོད་དུ་ལྷ་ལས་བབས་པ་མ་བསྟན་པ་དང་། ཇི་སྲིད་དུ་མཉན་ཡོད་དུ་ཆོ་འཕྲུལ་ཆེན་པོ་རྣམ་པར་མ་བསྟན་པ་དང་། ཇི་སྲིད་དུ་མཚོ་ཆེན་པོ་མ་དྲོས་པར་ཉན་ཐོས་རྣམས་དང་ཐབས་ཅིག་སྔོན་གྱི་ལས་ཀྱི་རྒྱུ་བ་ལུང་མ་བསྟན་པ་དང་། ཇི་སྲིད་དུ་ཡབ་ཡུམ་གཉིས་
D3.006.0071b02.01བདེན་པ་དག་ལ་མ་བཀོད་པ་དེ་སྲིད་དུ་ཡོངས་སུ་མྱ་ངན་ལས་མི་འདའ་བ་ཡིན་ནོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། རྒྱལ་པོ་ཆེན་པོ་ཟས་གཙང་དང་། ཤཱཀྱ་འབུམ་ཕྲག་དུ་མ་དག་གདུལ་བའི་དུས་ཉེ་བར་གནས་པར་གྱུར་ཅིང་། འདི་ལྟ་སྟེ། ཡབ་
D3.006.0071b03.01ཡུམ་གཉིས་བདེན་པ་དག་ལ་གཞག་པ་དེ་ནི་དེ་བཞིན་གཤེགས་པས་གདོན་མི་ཟ་བར་མཛད་པ་ཡིན་ནོ་སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཀའ་སྩལ་པ། མཽད་གལ་གྱི་བུ་ཁྱོད་སོང་ལ་དགེ་སློང་རྣམས་ལ་དེ་བཞིན་
D3.006.0071b04.01གཤེགས་པ་སེར་སྐྱའི་གནས་སུ་གཤེགས་ཀྱིས། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་སེར་སྐྱའི་གནས་སུ་འགྲོ་བ་དང་། ཡབ་དང་སྲས་མཇལ་བ་ལྟ་བར་སྤྲོ་བ་དེས་ཆོས་གོས་དག་ལོང་ཤིག་ཅེས་བསྒོ་ཤིག །ཚེ་དང་ལྡན་པ་མཽད་གལ་གྱི་བུ་ཆེན་པོས་
D3.006.0071b05.01བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། དགེ་སློང་རྣམས་ལ་ཚེ་དང་ལྡན་པ་དག་བཅོམ་ལྡན་འདས་སེར་སྐྱའི་གནས་སུ་གཤེགས་ཀྱིས་ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་སེར་སྐྱའི་གནས་སུ་འགྲོ་བ་དང་། ཡབ་དང་སྲས་མཇལ་
D3.006.0071b06.01བ་ལྟ་བར་སྤྲོ་བ་དེས་ཆོས་གོས་དག་ལོང་ཤིག་ཅེས་བསྒོའོ། །དགེ་སློང་དག་གིས་ཚེ་དང་ལྡན་པ་དེ་བཞིན་བགྱིའོ་ཞེས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལས་མཉན་ཏོ། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་
D3.006.0071b07.01