完整藏文原文 · 德格版页 当前仅加载第 6 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། ཤེས་ལྡན་དག་མི་འདི་ཁོ་བོའི་ལྟོ་གོལ་བ་ལྟོ་གླས་ལས་བྱེད་པ་ཡིན་ན་ཁོ་བོས་འདི་ལ་བུ་མོ་སྦྱིན་རེ་སྐན། ཁྱིམ་བདག་གི་བུ་དེས་བསམས་པ། བདག་གིས་ཀཱར་ཥཱ་པ་ཎ་དག་ཀྱང་མ་ཐོབ་ལ་བུ་མོ་ཡང་མ་ཐོབ་པས་འདི་ལ་གནོད་པ་ཅུང་ཞིག་བྱས་ཏེ་འགྲོའོ་སྙམ་ནས་དེས་
D3.006.0230a01.01གླང་དེ་དག་ཉིན་པར་ཞིང་རྨོས་ནས་ལྕག་མང་པོས་གཞུས་ཏེ་ཉི་མ་ལ་ཤིང་སྐམ་ལ་བཏགས་ཏེ་སོང་ངོ་། །ཆོས་ཉིད་ཀྱིས་ན་འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་ན་དུད་འགྲོ་དག་ཀྱང་སྨྲ་ཤེས་པ་ཡིན་པས་གླང་དེ་དག་གིས་དེ་ལ་སྨྲས་པ། ཀྱེ་མི་ཁྱོད་ཁོ་བོ་ཅག་གི་ཕ་མ་འདྲ་
D3.006.0230a02.01བར་འདུག་འདུག་སྟེ། རྟག་ཏུ་ཁོ་བོ་ཅག་ལེགས་པར་བདེ་བས་ཡོངས་སུ་སྐྱོང་བར་བྱེད་ན་ད་ཅིའི་ཕྱིར་ཉིན་པར་ཞིང་རྨོས་ནས་ལྕག་མང་པོས་གཞུས་ཏེ་ཉི་མ་ལ་ཤིང་སྐམ་ལ་བཏགས་ཏེ་འགྲོ། །ཅི་ཁོ་བོ་ཅག་གིས་ཁྱོད་ལ་ཉེས་པ་ཞིག་བྱས་སམ། ཁྱེད་ཅག་གིས་ཁོ་བོ་ལ་ཉེས་པ་ཅུང་
D3.006.0230a03.01ཟད་ཀྱང་མ་བྱས་ཏེ། འདི་ལྟར་ཁྱེད་ཅག་གི་བདག་པོས་ཁོ་བོ་ལ་ཉེས་པ་བྱས་སོ། །དེས་ཅི་བྱས། ཁོ་བོ་ལ་བུ་མོ་སྦྱིན་པར་ཁས་བླངས་ནས་མ་སྟེར་རོ། །འོ་ན་རྒྱལ་པོའི་ཕོ་བྲང་དུ་ཅིའི་ཕྱིར་མི་འགྲོ། ཆེ་གཞི་དག་མེད་དོ། །སོང་ཤིག་དང་ཁོ་བོ་ཅག་གིས་ཆེ་གཞི་དབྱེའོ། །ཅི་མིའི་སྐད་དུ་སྨྲ་བར་
D3.006.0230a04.01འགྱུར་རམ། མ་ཡིན་ཏེ། འདི་ལྟར་ཁྱོད་ཀྱིས་བདེན་པས་གསོལ་བར་བྱ་སྟེ། ཁོ་བོ་ཅག་ཞག་བདུན་གྱི་བར་དུ་བྲགས་སུ་བཏགས་སྟེ། རྩྭ་ཡང་སྦྱིན་པར་མི་བྱ། ཆུ་ཡང་བླུད་པར་མི་བྱ་བར་གཞག་པར་བྱ་ཞིང་ཉི་མ་བདུན་པ་ལ་རྩྭ་ཕུན་སུམ་ཚོགས་པ་དང་། ཆུ་ཕུན་སུམ་ཚོགས་པའི་ཕྱོགས་སུ་གཏང་བར་བྱ་
D3.006.0230a05.01སྟེ། དེའི་ཚེ་ཁྱོད་ཀྱིས་རྒྱལ་པོའི་མདུན་དུ་གལ་ཏེ་བདག་བདེན་ན་གླང་འདི་དག་རྩྭ་ཡང་མི་ཟ་ཆུ་ཡང་མི་འཐུང་བར་གྱུར་ཅིག་ཅེས་བདེན་པའི་ཚིག་གིས་གསོལ་ཅིག་དང་། ཁོ་བོ་ཅག་ཇི་སྲིད་དུ་རྒྱལ་པོ་ཡིད་ཆེས་པར་མ་གྱུར་གྱི་བར་དུ་རྩྭ་ཡང་མི་ཟ་ཆུ་ཡང་མི་འཐུང་ངོ་། །ཁྱིམ་བདག་གི་བུ་དེས་རྒྱལ་པོའི་ཕོ་བྲང་དུ་སོང་
D3.006.0230a06.01སྟེ་རྒྱལ་པོ་ལ་གསོལ་པ། ལྷ་ཁྱིམ་བདག་ཆེ་གེ་མོ་ཞིག་གིས་བདག་ལ་བུ་མོ་སྩལ་བར་མཆིད་ཀྱིས་འཚལ་ནས་མི་སྟེར་རོ། །རྒྱལ་པོས་སྨྲས་པ། ཁྱོད་ལ་ཆེ་གཞི་འགའ་ཡོད་དམ། ལྷ་མཆིས་སོ། །ཅི་མི་དག་གམ། མི་མ་ཡིན་པ་དག །མི་མ་ལགས་པ་གླང་དག་གོ། །ཅི་མིའི་སྐད་དུ་
D3.006.0230a07.01