完整藏文原文 · 德格版页 当前仅加载第 6 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཆེ་དང་། ཁྱིམ་བདག་རིན་པོ་ཆེ་དང་། དམག་དཔོན་རིན་པོ་ཆེ་ཉིད་ནི་བདུན་པ་ཡིན་ནོ། །འདི་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་བ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་
D3.006.0065b01.01པའི་ས་ཆེན་པོ་མ་ལུས་པ་གནོད་པར་སྔོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ་ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་
D3.006.0065b02.01ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ། །ཞེས་ལུང་བསྟན་ཏོ་ཞེས་ཐོས་སོ། །ཐོས་ནས་ཀྱང་ཉི་འོག་གི་ཁམས་ཀྱི་
D3.006.0065b03.01རྒྱལ་པོ་དེ་དག་འདི་སྙམ་དུ་སེམས་ཏེ། ད་གཞོན་ནུ་བསྟེན་ན་དུས་སུ་འབྲས་བུ་སྟེར་བར་འགྱུར་བས་གང་བསྟེན་ན་གཞོན་ནུ་བསྟེན་པར་འགྱུར་སྙམ་མོ། །དེ་དག་གིས་བསམས་པ། རྒྱལ་པོ་ཟས་གཙང་བསྟེན་པར་བྱ་སྟེ། དེ་བསྟེན་ན་གཞོན་ནུ་བསྟེན་པར་འགྱུར་རོ་སྙམ་
D3.006.0065b04.01ནས། དེ་དག་གིས་རྒྱལ་པོ་ཟས་གཙང་བསྟེན་པར་བརྩམས་ཏེ། དུས་དང་མཐུན་པའི་དུས་སུ་འདུད་པས་ཕོ་ཉ་དང་། དཀོར་སྒྲོམ་དག་སྐུར་བར་བྱེད་དོ། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། བདག་གི་བུ་བཙས་པ་ན་དོན་ཐམས་ཅད་དང་ལས་ཀྱི་མཐའ་ཐམས་
D3.006.0065b05.01ཅད་གྲུབ་པས་དེའི་ཕྱིར་གཞོན་ནུ་འདིའི་མིང་དོན་ཐམས་ཅད་གྲུབ་པ་ཞེས་བྱ་བར་གདགས་སོ་སྙམ་ནས་དེའི་མིང་དོན་ཐམས་ཅད་གྲུབ་པ་ཞེས་བྱ་བར་བཏགས་སོ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་ཆེན་པོར་འཁྲུངས་ཤིང་དེས་རྒན་པོ་དང་། ནད་པ་དང་། ཤི་
D3.006.0065b06.01བ་གཟིགས་ནས་ཐུགས་ཕྱུང་སྟེ་ནགས་ཀྱི་ནང་དུ་གཤེགས་པ་དེའི་ཚེ་ན་རྒྱལ་པོ་ཟས་གཙང་དང་། ཤཱཀྱ་ལེགས་པར་རབ་རྟོགས་ཀྱིས་བཀའ་མཆིད་གསོལ་བའི་མི་ཉིས་བརྒྱ་ལྔ་བཅུ་ཉིས་བརྒྱ་ལྔ་བཅུ་བཀྱེ་སྟེ། དེ་དག་གིས་ཉི་མ་རེ་རེ་ཞིང་དེང་ནི་གཞོན་ནུ་ཏིལ་འབྲུ་གཅིག་གམ།
D3.006.0065b07.01