完整藏文原文 · 德格版页 当前仅加载第 6 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
པས་དགེ་སློང་སོ་སོར་གོ་བར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་སོ་སོར་རིག་པའི་ཁྱིམ་དག་ཏུ་སོ་སོར་མ་རིག་པར་ཡིད་གཉིས་ཟ་བས་དགེ་སློང་སོ་སོར་གོ་བར་བྱེད་ན་ཉེས་བྱས་སུ་འགྱུར་རོ། །དྲིལ་བསྒྲགས་པ་ལ་ནི་ལྟུང་བ་མེད་དོ། །ངོས་ལ་རི་མོར་བྲིས་
D3.006.0265b01.01པ་ཕན་ཆད་ལ་ཡང་ལྟུང་བ་མེད་དོ། །ཇི་ལྟར་བདག་གིས་ཤེས་པ་དེ་བཞིན་དུ་འཇིག་རྟེན་ཐམས་ཅད་ཀྱིས་ཀྱང་ཤེས་སོ་སྙམ་ནའོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གནས་ངན་ལེན་བརྗོད་
D3.006.0265b02.01པའི་ལྟུང་བྱེད་དེ་བདུན་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་{བཟངས་,བཟང་}ན་བཞུགས་སོ། །དེའི་ཚེ་ན་ཉ་པ་ལྔ་བརྒྱ་ཆུ་ཀླུང་ཡིད་འོང་ལྡན་ལ་རྟེན་ཅིང་འཁོད་དོ། །དེ་དག་ལ་རྒྱ་མོ་སྤྱོད་པ་དང་།
D3.006.0265b03.01སྤྱོད་པ་ཆེན་མོ་ཞེས་བྱ་བ་གཉིས་ཞིག་ཡོད་དོ། །དེ་དག་ལན་འགའ་ནི་རྒྱ་མོ་སྤྱོད་པ་འཇུག་པར་བྱེད་ལ། ལན་འགའ་ནི་སྤྱོད་པ་ཆེན་མོ་འཇུད་པར་བྱེད་དེ། གང་གི་ཚེ་ཉ་དག་ཉོ་བ་མེད་པ་དེའི་ཚེ་ནི་རྒྱ་མོ་སྤྱོད་པ་འཇུད་པར་བྱེད་ལ། གང་གི་ཚེ་ཉ་དག་ཉོ་བ་ཡོད་པ་དེའི་ཚེ་ནི་
D3.006.0265b04.01སྤྱོད་པ་ཆེན་མོ་འཇུད་པར་བྱེད་དོ། །ཇི་ཙམ་དུས་གཞན་ཞིག་ན་ཡངས་པ་ཅན་དུ་དུས་སྟོན་བྱུང་ནས་དེ་དག་གིས་རྒྱ་མོ་གཉིས་ཀ་བཅུག་སྟེ། ཉིས་བརྒྱ་ལྔ་བཅུས་ནི་རྒྱ་མོ་སྤྱོད་པ་བཅུག་སྟེ། ཉིས་བརྒྱ་ལྔ་བཅུས་ནི་སྤྱོད་པ་ཆེན་མོ་བཅུག་གོ། །གང་དག་གིས་རྒྱ་མོ་
D3.006.0265b05.01སྤྱོད་པ་བཅུག་པ་དེ་དག་གིས་ནི་ཉ་དང་། རུས་སྦལ་དང་། སྦལ་པ་དང་། ཆུ་སྲིན་བྱིས་པ་གསོད་པ་དང་། ཉ་ཁྱི་བ་ལ་སོགས་པ་མང་པོ་དག་འདི་ལྟ་སྟེ། དཔེར་ན་ཏིལ་དང་། འབྲས་ཐུག་པོ་ཆེ་དང་། རྒྱ་ཤུག་དང་། རྒྱ་སྲན་ལ་སོགས་པ་བཞིན་དུ་ཕུང་པོ་ཆེན་པོ་རྣམ་པར་
D3.006.0265b06.01བཞག་གོ། །གང་དག་གིས་རྒྱ་མོ་སྤྱོད་པ་ཆེན་མོ་བཅུག་པ་དེ་དག་གིས་ནི་རྒྱ་མཚོ་ཆེན་པོ་ནས་ཆུ་ཀླུང་ཡིད་འོང་ལྡན་དུ་ཞུགས་པ་ཆུ་སྲིན་ཉའི་རིགས་བོང་ཚོད་ཆེན་པོ་ཉལ་བ་ཟིན་ནས་དེ་དག་གིས་དེ་དྲང་བར་བརྩམས་སོ། །དེ་དག་གིས་དྲངས་པ་ན་དེ་སད་ནས་ཉ་པ་ཉིས་
D3.006.0265b07.01