完整藏文原文 · 德格版页 当前仅加载第 6 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
རལ་གྲིའི་མཐུ་ཅན་གྱི་ཁྲོམ་ནི་འབྱོར་པ་ལགས་ན། འདིའི་ཚེ་དེ་དག་ལ་བཀའ་སྩལ་ཅིང་བདག་ཅག་རེས་གཞན་ལ་མཆི་བར་ཅི་གནང་། རྒྱལ་པོས་རལ་གྲིའི་མཐུ་ཅན་གྱི་ཁྲོམ་ལ་བསྒོ་བ། དེང་ལ་རི་བྲགས་པ་ཆེ་གེ་མོ་ཞིག་ཕོབ་ཤིག །དེ་དག་གིས་སྨྲས་
D3.006.0194a01.01པ། ལྷ་བདག་ཅག་གིས་རེས་འཁོར་ལགས་སོ། །དེང་ཤིག་དང་རེས་གཞན་ལ་མི་བཏང་ངོ་། །དེ་དག་གིས་བསམས་པ། དེའི་ཚེ་ནི་བདག་ཅག་གིས་གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་གྱི་མཐུས་རི་བྲགས་པ་དེ་ཕབ་ཀྱི། ད་ནི་བདག་ཅག་གིས་དེ་ཉིད་དུ་འཆི་
D3.006.0194a02.01བར་བྱ་དགོས་པར་འགྱུར་བས་འདི་ལྟར་བདག་ཅག་གིས་འཕགས་པ་དག་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་སྤྱན་དྲངས་པ་དེ་དག་ལ་ཆོས་གོས་དག་ཕུལ་ཏེ་འདོང་བར་བྱའོ་སྙམ་ནས། དེ་དག་ཆོས་གོས་དག་ཐོགས་ཏེ་གཙུག་ལག་ཁང་དུ་དོང་ནས་དགེ་སློང་རྣམས་ལ་སྨྲས་པ།
D3.006.0194a03.01འཕགས་པ་དག་བདག་ཅག་རྒྱལ་པོས་དམག་གི་གནས་སུ་བཏང་སྟེ། གལ་ཏེ་ན་བདག་ཅག་དེ་ཉིད་དུ་འགུམ་པར་འགྱུར་བ་གང་ལགས་པ་དེ་ལྟ་བུའི་གནས་ཀྱང་མཆི་བར་འགྱུར་བས་ཆོས་གོས་འདི་དག་བཞེས་སུ་གསོལ། དགེ་སློང་རྣམས་ཀྱིས་སྨྲས་པ། བཞིན་{བཟངས་,བཟང་}དག་
D3.006.0194a04.01བཅོམ་ལྡན་འདས་ཀྱིས་དགེ་སློང་རྣམས་ཀྱིས་དབྱར་གྱི་རྙེད་པ་དབྱར་གྱི་ནང་དུ་བགོ་བར་མི་བྱའོ་ཞེས་བསླབ་པའི་གཞི་བཅའ་བ་མཛད་པས་བདག་ཅག་མི་ལེན་ཏོ། །དེ་དག་གིས་སྨྲས་པ། འཕགས་པ་དག་ཁྱེད་ཅག་གིས་བཞེས་ཏེ་ཞོག་ལ་དགག་དབྱེ་བགྱིས་ནས་བགོ་བར་མཛོད་
D3.006.0194a05.01ཅིག་ཅེས་དེ་དག་གིས་དེ་དག་གི་གནས་ཁང་དུ་བཅུག་སྟེ་དོང་ངོ་། །དེ་དག་འཕགས་པ་དང་ཁྱིམ་བདག་མགོན་མེད་ཟས་སྦྱིན་གྱིས་མཐོང་ནས་སྨྲས་པ། ཤེས་ལྡན་དག་གར་འདོང་། ཁྱིམ་བདག་དམག་གི་གནས་གནས་སུ་མཆིའོ། །ཁྱེད་ཀྱིས་རེས་མ་འཁོར་རམ། ཁྱིམ་
D3.006.0194a06.01བདག་རེས་འཁོར་རོ། །འོ་ན་ཅིའི་ཕྱིར་འདོང་། ལྷའི་ཞལ་ནས་དེང་ཤིག་དང་རེས་གཞན་དུ་མི་བཏང་ངོ་ཞེས་བྱུང་ངོ་། །ཁོ་བོས་ལྷ་ལ་ཞུས་དེའི་བར་དུ་ཡུད་ཙམ་ཞིག་སྡོད་ཅིག །དེ་རྒྱལ་པོའི་གན་དུ་སོང་སྟེ་སྨྲས་པ། ལྷས་རལ་གྲིའི་མཐུ་ཅན་གྱི་ཁྲོམ་གང་དུ་བཀའ་སྩལ།
D3.006.0194a07.01