完整藏文原文 · 德格版页 当前仅加载第 6 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན་དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གི་གོས་སྤང་བར་གྱུར་ན་ཇི་སྲིད་དུ་དངོས་པོ་དེ་མ་བཤགས་ཤིང་སོ་སོར་མ་བཤགས་
D3.006.0119a01.01པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུ་དང་། སྐ་རགས་སམ། དགེ་སློང་གི་འཚོ་བའི་ཡོ་བྱད་གང་ཡང་རུང་བ་ཉེ་བར་འཇོག་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ཁ་ཚེར་སློང་བ་ན་ལྷན་པ་ཐོབ་པ་དང་། ལྷན་པ་སློང་བ་ན་རས་ཡུག་ཕྲན་ནམ།
D3.006.0119a02.01རས་ཡུག་ཆེན་ཐོབ་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་ཚོར་བ་དག་གིས་ཉེན་པ་ལ་ལྟུང་བ་མེད་དོ། །སོ་སོ་ནས་སྤགས་པ་ལས་ལྷག་པ་སློང་བའི་སྤང་བ་སྟེ་དགུ་པ་རྫོགས་{སྷོ,སོ}།། །།འདུལ་བ་རྣམ་པར་འབྱེད་པ། བམ་
D3.006.0119a03.01པོ་སུམ་བཅུ་རྩ་གཅིག་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །ཉེ་དགའ་ལ་བློ་སྐྱེས་པ་འདི་ཐམས་ཅད་ཁྱིམ་བདག་མགོན་མེད་ཟས་སྦྱིན་གྱིས་བསླབ་པའི་གཞི་དག་གིས་བསྡམ་པ་བྱས་པས་ཕྱིན་ཅད་རས་ཡུག་
D3.006.0119a04.01ཕྲན་སྒྲེ་བོ་ཡང་སུ་ལས་ཀྱང་བསླང་བར་མི་ནུས་ཀྱིས་འདི་ལྟར་བདག་དང་ལྷན་ཅིག་ཡི་གེའི་གྲྭ་ན་ཡིག་འབྲུའི་ཡི་གེ་དག་སློབ་སློབ་པ་བྲམ་ཟེ་དབྱར་ཚུལ་ཡོད་ཀྱིས་དེའི་གན་དུ་སོང་སྟེ་བལྟས་ན་དེ་ལས་ཅུང་ཟད་འཐོབ་ཀྱང་སྲིད་དོ་སྙམ་ནས་དེ་དེའི་ཁྱིམ་དུ་སོང་བ་དང་། སྒོ་བས་འཕགས་པ་
D3.006.0119a05.01མ་བཞུད་ཅིག་ཅེས་བགགས་སོ། །ཉེ་{དགའས་,དགས་}སྨྲས་པ། བཞིན་{བཟངས་,བཟང་}བཅོམ་ལྡན་འདས་ཀྱིས་བདག་ཅག་གི་སྤྱོད་ཡུལ་མ་ཡིན་པ་ནི་རྣམ་པ་ལྔ་གསུངས་ཏེ། རོལ་མོ་མཁན་གྱི་ཁྱིམ་དང་། འཇུད་མཐུན་མའི་ཁྱིམ་དང་། ཆང་པའི་ཁྱིམ་དང་། རྒྱལ་པོའི་ཕོ་བྲང་དང་།
D3.006.0119a06.01གདོལ་པའི་ཁྱིམ་ཡིན་ན། ཅི་འདི་རོལ་མོ་མཁན་གྱི་ཁྱིམ་མམ། འཇུད་མཐུན་མའི་ཁྱིམ་མམ། ཆང་པའི་ཁྱིམ་མམ། རྒྱལ་པོའི་ཕོ་བྲང་ངམ། གདོལ་པའི་གནས་ཡིན་ནམ། འཕགས་པ་ཁྱོད་སྤྱོ་བ་མང་དུ་མཛད་དེ། འདི་ནི་རོལ་མོ་མཁན་གྱི་ཁྱིམ་ཡང་མ་ལགས།
D3.006.0119a07.01