完整藏文原文 · 德格版页 当前仅加载第 6 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
དག་དགེ་འདུན་གྱི་ཕྱིར་མཆོད་སྟོན་བྱེད་པ་དེ་ལ་རིན་གྱིས་འབྲས་སྦྱིན་པར་བྱའོ། །དགེ་སློང་དག་རི་བ་ཁོ་ན་སྦྱིན་ནས་བཅོམ་ལྡན་འདས་ཀྱིས་བཀའ་སྩལ་པ། གང་གཙུག་ལག་ཁང་དེ་ཉིད་དུ་མཆོད་སྟོན་བྱེད་པ་དེ་ལ་འཐེབ་དང་བཅས་པ་སྦྱིན་པར་བྱའོ། །བཅོམ་ལྡན་
D3.006.0157a01.01འདས་ཀྱིས་རིན་གྱིས་འབྲས་སྦྱིན་པར་བྱའོ་ཞེས་བཅའ་བ་མཛད་པས་མང་པོ་དག་མཆོད་སྟོན་བྱེད་ནས་ཐམས་ཅད་ལ་བྱིན་ན་འབྲས་དག་སྤྱད་པས་སྤྱི་བུངས་ཆད་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་
D3.006.0157a02.01མི་བྱ་བར་འདི་ལྟར་རིན་དེས་འབྲས་གཞན་དག་ཉོ་བར་བྱའོ། །འབྲས་རྙིང་པ་དག་ཀྱང་སོ་སོར་བརྟགས་ནས་གལ་ཏེ་སྲོག་ཆགས་མེད་ན་དུས་སུ་བཙོངས་ཏེ་འབྲས་སར་པས་བང་བ་དག་དགང་བར་བྱའོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་
D3.006.0157a03.01དག་གིས་ཉེན་པ་ལ་ལྟུང་བ་མེད་དོ། །ཉོ་འཚོང་བྱེད་པའི་སྤང་བ་སྟེ་ཉི་ཤུ་པ་རྫོགས་ས་{སྷོ,སོ}།། །།སྡོམ་ལ། ལྷུང་བཟེད་གཉིས་དང་ཐ་ག་གཉིས། །བྱིན་འཕྲོག་སྟོན་ཟླ་ཐ་{ཆུངས་,ཆུང་}དང་། །དགོན་པ་པ་དང་རས་ཆེན་དང་། །བསྔོས་པ་དང་ནི་གསོག་འཇོག་གོ། །
D3.006.0157a04.01སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་ཉེ་དགའ་འདི་སྙམ་དུ་སེམས་ཏེ། འདི་དག་ཐམས་ཅད་ཁྱིམ་བདག་མགོན་མེད་ཟས་སྦྱིན་གྱིས་བསླབ་པའི་གཞི་དག་གིས་ཁྱབ་པར་བྱས་
D3.006.0157a05.01པས་ཕྱིན་ཅད་གང་ནས་ཀྱང་རྙེད་པ་བསླང་བར་མི་ནུས་སོ་སྙམ་ནས་དེ་དེ་སྙམ་སེམས་པ་ན་དགའ་འདུན་དྲུག་བཅུ་སྐྱེད་མོས་ཚལ་དུ་དོང་བ་དེ་དག་ཉེ་{དགའས་,དགས་}མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། གལ་ཏེ་འདི་དག་ལས་རྙེད་པ་མ་གྲུབ་ན་ཉེ་དགའ་ཞེས་བྱ་བའི་མིང་གཟུང་
D3.006.0157a06.01བར་མི་བྱའོ་སྙམ་མོ། །དྲུག་སྡེ་དག་གི་ཀུན་དུ་སྤྱོད་པ་ནི་གལ་ཏེ་སྦྱིན་པའི་གཏམ་དག་བྱེད་ན་ཉན་པ་པོ་དག་བདག་ཅག་གིས་རང་གི་ཤ་དག་བཅད་ཅིང་བཅད་ཅིང་སྦྱིན་པར་བྱའོ་སྙམ་དུ་སེམས་ལ། གལ་ཏེ་ཚུལ་ཁྲིམས་ཀྱི་གཏམ་དག་བྱེད་ན་ཉན་པ་པོ་དག་བདག་ཅག་ལྷ་རྣམས་ཀྱི་
D3.006.0157a07.01